因為我哋比較著重賓客同婚禮之間嘅interaction，希望賓客可以揀到合適自己，有屬於自己元素，一份獨一無二嘅禮物。❤️ 經過我哋做過嘅research，搵咗幾間公司做對比，就發現SOVOS係最符合我哋嘅要求，而且佢哋唔會似其他公司咁，純粹要新人揀好啲香水，再派俾賓客，當中賓客完全冇體驗感，亦都未必每個賓客都會鐘意，而SOVOS係會希望每位賓客都可以自己diy手製出屬於自己獨特嘅香味，呢種方式我哋都非常認同，亦都會為婚禮增加好多趣味性，同滿足到唔同賓客嘅喜好，所以我哋就直接揀咗SOVOS。

後尾我哋就即刻message佢哋了解，同事都好細心，會send啲package俾我哋睇，再講解俾我哋聽，都講解得好仔細，我哋好多concern未講出口，同事已經知道我哋要問啲乜，睇得出佢哋經驗非常豐富。再加上我哋嗰 wedding planner 都用過佢哋嘅產品覺得唔錯，所以我哋更加放心，覺得佢哋應該都係一個穩陣嘅team。👍🏻 我哋都有約時間上SOVOS門市到睇，上到去環境俾我哋第一印象好舒服同好warm！入邊除咗有香水之外，仲有好多唔同類型嘅產品可以任意挑選 😍，我都可以喺SOVOS揀返其他禮物俾啲朋友，可以幫我慳好多時間，去SOVOS就可以一站式滿足曬我需要嘅嘢，價錢又唔貴，啲sales服務態度又好nice，一啲都唔會話hardsell我哋。😚

揀香水嗰陣，香水選擇都好多，我哋total就要揀7種唔同嘅香味，其中三款就係屬於香水嘅base，其餘4款就係俾賓客自己挑選鐘意嘅味再襯返其中一種base。同事就會先介紹一啲香水，俾我哋聞一聞唔同嘅香水味，其實香味係好個人化，不過同事就會俾啲建議我哋，推介我哋一啲喺唔同年齡層比都較熱門嘅味道，令我哋大概可以有個方向知道要點揀。咁我覺得最特别嘅就係，我哋配套就有三種base，同事就建議我哋可以一人揀一種鍾意嘅味做代表大家，剩低最後一支base就揀兩種味mix一齊代表我哋婚禮，三個base都可以match到唔同性别嘅賓客，又可以特別啲！😆

我哋其實都唔熟香水應該要點襯，完全冇頭緒，同事都會幫我哋手，仲會share好多知識俾我哋，例如話呢兩種味疊埋係會呈現啲咩香味，又會即時幫我哋調配，俾我哋感受吓。喺同事嘅幫忙之下，好快我哋都揀到好中意嘅香味，又從中學到好多香水嘅知識。香水嘅包裝都係可以用自己嘅設計，或者加少少裝飾物，但係我哋因為太過臨時，婚禮前兩個禮拜先搵佢哋。時間太過緊迫嘅關係，就淨係整咗個sticker喺包裝度，不過我哋已經好感激，基本上瓶身已經好吸引我哋，佢哋做野都好快手。👏🏻 由於我哋都係臨時搵佢哋，所以對booth佈置呢方面都冇乜要求，睇過佢哋之前擺過嘅一啲設計覺得都ok，就交俾啲同事話事。

同事都非常有交代，會通知我哋會點設計啲deco，同埋會交代好，安排咗幾多位同事嚟到幫手，同埋同事各自係負責邊啲part。我嘅婚禮當日就有好多外國朋友参加，不過SOVOS同事都識講英文，同啲外國賓客都交流到，完全可以handle，呢點令我好佩服。❤️ 好多賓客都係第一次接觸到用香水作為禮物嘅婚禮，因為平時啲婚禮都係食物或者photobooth作為禮物，就吸引到好多女仔同外國朋友，大家都覺得好新奇，而且香水調配方面自由度好大，非常彈性。 雖然Big day當日我哋都好忙，不過我哋就見到個booth嘅位置唔係咁好，擺咗喺角落頭到，但呢層我覺得唔係SOVOS嘅問題，係場地空間太有限🤣。希望如果SOVOS再返嚟呢到擺booth，就可以吸收到呢次經驗，搵啲顯眼嘅地方擺。其餘嘅嘢我都好滿意，尤其係Sovos負責人Jonathan，佢好nice，全程都會幫我哋同planner夾好，會明白我哋擔憂嘅嘢，仲好有耐心會幫手我哋解決問題！🌟

過往參加過朋友嘅婚禮，回禮禮物都好時都一式一樣，大多數都係食物，咁我自己就想搞一個party俾大家enjoy下玩下，想要啲俾人不一樣嘅回禮禮物🎁。之前喺婚展睇到SOVOS嘅booth已經覺得幾吸引😍，佢哋仲派咗一個sample俾我哋認真試咗先。當時係Moses同我哋介紹，我哋有憂慮，佢都為我哋一一解答，例如我哋擔心會太多人堆喺個bar前面，而Moses就會根據佢以往嘅經驗同我哋講解返，消除我哋嘅疑慮😌。了解咗之後，我同老公返去考慮完，都覺得SOVOS嘅Sanitizer bar係個唔錯嘅選擇，所以就揀咗佢哋。其實，我覺得SOVOS嘅安排都幾flexible，喺婚禮前一個月會再向我哋confirm賓客人數，再準備Sanitizer嘅數量，仲會幫我哋設計埋Sanitizer嘅Stickers。 婚

禮當日，有兩個SOVOS嘅同事過嚟幫我哋set up個bar，佢哋都好有效率，勁快手就set好🤗。當日都幾多人去玩，但就冇排長龍嘅情況出現。因為SOVOS嘅同事可以係好短時間內就可以調配好個Sanitizer，亦多得佢哋幫手分流，令成個服務過程都好流暢👍🏻。當人流太多嗰陣，Staff會叫啲親戚朋友去睇吓相或者食吓嘢先，又會叫長者坐低等一等先，當佢哋serve完前一批客人，就會親自攞去俾啲長者調配，我覺得呢個服務真係勁貼心👏🏻。好多親戚朋友都話呢一份禮物好實用😍，又香又輕巧，而Sanitizer嘅外型又好似張卡片仔咁，可以放喺銀包或者褲袋，個個都好鍾意💯。