喺網上搵到Primrose Garden，太太覺得佢好特別，而且去嘅地方都比較熱門，所以就揀咗佢地☺️，我哋都有網上睇過佢哋嘅comment,都偏向正面嘅。 我哋有面談同埋whatsapp溝通。Big day有三個會議要開，而pre-wedding就有一個會議要開，開完所有嘅會議，都會喺whatsapp講返所有內容，同時佢哋會了解返我哋嘅背景同性格，我哋提出來嘅要求佢哋都做得到，全部同事都好細心👍。

Pre-wedding嘅攝影師好專業，相都好快畀到我哋，拍攝嘅時候佢哋都會教我哋點擺pose，期間同佢哋相處得好開心，氣氛唔會覺得尷尬，大家都好enjoy。☺️最深刻嘅事係pre-wedding嗰日好曬，所有人都好辛苦，但係佢哋都盡心盡力幫我哋影相。太太要補妝嘅時候，佢哋都會第一時間沖過來幫我太太。場地方面都好與眾不同，有好多唔同嘅風格，令到我哋到好舒服。

Big day整個過程都好自由，佢哋都畀咗好多sugguestion我哋。😁前一晚talent都會同我哋講big day當日所有嘅流程，令整個流程都好smooth。🤩親戚朋友都覺得場地好靚，食物方面都有好多唔同嘅風格，住宿方面都好好，我哋會介紹返畀朋友認識，有啲朋友都有問我哋關於佢哋嘅服務，同佢哋相處溝通過程都好愉快🥰。

本身我哋好鍾意日本，所以就揀咗喺日本搞婚禮😆。我都有搵過其他公司聯絡下，但可能因為係外國人就覆得比較慢， 而我聯絡Primrose garden嘅時候佢哋覆得好快💗， 而且係用中文回覆，溝通上我就覺得會比較順暢💯。 我哋喺佢哋嘅場地搞婚禮同埋用咗Big Day攝影📸嘅服務。佢哋啲嘢係好清晰，明碼實價，冇隱藏收費。 因為Primrose garden係一個花園形式💐嘅場地， 所以就會多元化啲。連戶外草地都有幾個選擇，而且又有教堂，賓客都可以有多啲地方行，所以都幾特別，一個婚禮可以有幾個元素💗。

我自己有加錢要一個香港攝影師，佢都熟悉結婚嘅儀式，所以會帶領住我哋，例如敬茶嗰陣時佢哋都會幫手講下啲吉利說話。Welcome dinner嗰陣佢哋都有幫手影相，呢一方面我覺得真係好好🥰。攝影師團隊好親切，同我哋相處得好開心，佢哋都有教我哋擺pose，令啲相出到嚟會靚啲同埋自然啲，會話到俾我哋聽邊個角度靚啲💘，令到成個過程更加順利。

我哋想彈琴同埋跳舞，Primrose garden都有安排到，仲安排咗現場樂隊俾我哋🎶。因為嗰陣時係萬聖節， 所以裝飾上都有用到萬聖節嘅元素，我覺得佢哋嘅裝飾同工作都做得好好。本身我諗住只係一個營火晚會，但佢哋竟然幫我整咗個萬聖節主題🎃，有個大南瓜做裝飾。我好鍾意露營嘅主題，佢哋仲整咗一啲火堆，令到大家都記住咗我哋個婚禮😆。Primrose garden都會擺番日本鳥取嘅特色落去婚禮到🤩。

我覺得佢哋好俾心機，因為我都知佢哋未做過呢一類型嘅婚禮，但Primrose garden做到有種參加緊森林入面嘅營火會咁樣嘅感覺❤️，香港係做唔到呢種感覺。成個氣氛都係比較casual，好多朋友見到啲相都即刻問我哋係邊度搞婚禮😚！Primrose garden嘅場地又可以放煙花🎇， 真係同香港或者東南亞地區搞嘅氣氛唔同，而且大家又鍾意日本嘢食，我自己都好鍾意日本🥰！朋友同屋企人都話呢個係佢哋參加過最開心嘅婚禮😆！冬天嗰陣時個場地嘅花園有紅葉，成個過程都好滿意同埋真係好開心💕！