我鍾意Pal photography嘅style，同埋佢啲相影出嚟幾開心😍，所以就將Big Day交咗比佢哋！Pal photography覆message好快，同埋佢哋好貼心，我屋企嗰邊比較多人，佢哋嘅同事會幫我諗下啲流程，令當日出嚟嘅效果會好啲😚， 而且佢哋都好樂意接受我嘅意見❣️。

原本想去尖沙咀海旁影相，但係因為落雨，我哋最後入咗室內商場影，出嚟嘅效果都幾好， 睇得出攝影師Joey同Leo應變能力都好好😋！有一張團體相有40幾個人一齊影，佢哋都會主動幫手排下啲位💗。 嗰日嘅氣氛好好，團隊之間都好夾，啲姊妹都話助手好有趣， 所以佢哋當日同其他人都相處得好好🤩。

啲相整體上都好滿意🥳，成個過程都冇乜甩漏！ 雖然我都冇特別提過想要， 但團隊可以影下啲花同埋飾物同埋一啲預備嘅過程，所以可能溝通上要再做好啲！不過所有重要嘅時刻佢哋都有影到😙！之前我都有講過唔洗要video，但完咗婚禮之後我覺得有video會好啲🤪！ 因為嗰日好忙，如果有片記錄低就會開心啲！

當初我一睇佢哋po出嚟既sample相就已經好鍾意，特別係佢哋tune相tune得好靚，出嚟嘅顏色就係我要搵嘅嘢。啲相啱心水就決定聯絡佢哋問價錢啦，當時好Impress 到我嘅就係佢哋真係回覆得好快👍🏻，因為我一路以來嘅經驗就係如果你已經光顧咗佢，佢哋都會着緊啲回覆得你快啲。但係Pal Photography就算你未係佢嘅客佢哋都會好着緊好快咁回覆你嘅查詢，仲要答得好詳細！😛Anyway 跟住就決定上去佢哋度睇衫睇款啦，睇完之後真係覺得好啱就決定幫襯佢哋啦。😎

影相嘅風格上我係比較鍾意啲簡單同清新啲嘅感覺， 而我同我未婚夫當時真係好想喺香港影一輯有本地元素嘅Pre Wedding相，係佢哋嗰度傾package嘅時候就留意到佢哋有一張香港嘅夜景相影得非常之靚🤩，嗰一刻我就決定咗一定要搵佢哋影香港嘅夜景喇。🤓攝影師 Joey真係好幫手，一見面就已經好用心幫我撿衫，因為我自己對撿衫係毫無頭緒，而Joey係會睇住我嘅身形同埋要求幫我揀最合適嘅衫去配合我， 可能因為佢本身係一位攝影師所以佢會識用攝影師嘅眼光去幫我揀衫。👍🏻

當日rundown都好順利，我哋開始係中環影咗一排，跟住就入去長洲，所以啲時間都好靠Joey佢哋幫我哋我睇實，特別坐船同埋係轉場景，如果唔係佢哋幫我睇時間一定影唔晒而最後都真係好好可以影晒所有景點。👍🏻👍🏻 一定要讚佢哋嘅就係當日天氣非常之熱， 當時影相嘅時候係差唔多係打風季節， 因為打風之前天氣都會非常之熱，而當日我自己都熱到就嚟頂唔順，搞到自己心情都真係好煩，但係Joey佢哋不單止唔會俾我覺得佢哋辛苦，佢哋仲可以保持笑容keep到個氣氛好開心咁😄，佢哋既開心搞到我都開心埋！呢點真係唔簡單！！💯😄就住呢一點我真係一路都會記住，好多謝佢哋！🧡另外要提嘅就係化妝師，我本身唔係一個成日化妝嘅人，所以我對化妝都唔係話好有認識，而Joey就好好咁幫我搵咗一個好好好嘅化妝師當日陪住我，一路幫我補妝一路幫我抹汗，最後出嚟嘅妝容都真係好靚，都真係我想要嘅嘢。

今次揀嘅景點行程全部都係我同我老公行過嘅地方。而長洲呢一個山為就係我哋以前行山會行嘅地方。我最expect唔到嘅就係入咗長洲佢哋有一個地方可以放航拍機，😲而呢一點係我冇諗過佢哋會做俾我嘅，因為我都有問過其他新人，佢哋都話如果拍航拍可能會加錢，但係佢哋都冇， 嗰日因為天空係全藍色，拍到全個山既全境，而呢個山對我哋實在係太有紀念價值喇，而拍出嚟效果真係好靚。😍

我自己對影相擺pose都係完全冇經驗嘅，所以我都同佢哋一早講明話你要我望邊度，睇邊度，隻手擺邊度，都要好好咁指教我，🙈而當時佢哋真係做到話到俾我聽我應該點做， 出嚟效果真係好自然，只可以話佢哋教得我哋好好，我超驚訝我都擺到呢D pose！

我唔知道出面影完之後幾時先有相睇，但係我哋影完隔咗兩三日就已經有Preview， 睇preview嘅時候出嚟嘅效果已經非常之好！🤩🤩最後仲要再提既就係我同我男朋友都係工作非常之忙嘅人，影Pre Wedding之前根本都唔知要準備啲乜嘢，但係Pal Photography佢哋團隊一早已經幫我哋準備咗小道具，到時佢攞埋出嚟拍攝我哋真係好appreciate，呢一點我真係冇expect到。其實係佢哋角度可能係舉手之勞因為橫掂用開咪帶埋去囉， 但係在我來講佢唔準備其實真係可以，但係佢準備咗俾我 就真係一個bonus喇！🥰