當時喺朋友嘅婚禮上俾Carmen嘅主持風格吸引到我，佢同其他律師有好大嘅差别，Carmen唔會好死板，淨係俾新人簽文件，讀幾句誓詞就算，反而會花心思講啲故仔，幫忙主持個證婚儀式，係一位好有經驗嘅證婚律師，令我都好放心將證婚環節交俾Carmen。我知Carmen都有做MC嘅經驗，所以我就揀咗佢做我嘅證婚律師兼MC😆。

Carmen做嘢都好細心，處理文件上好小心，做每件事，填每份資料都好謹慎，仲會好主動問我哋有冇想問嘅問題，或者可以直接打電話俾佢。佢都會問我哋係點識，點行埋一起啲零零碎碎嘅故仔，再幫我哋望一望rundown睇吓可以點編排會smooth啲，好多嘢都跟得好足。Carmen份人都幾 friendly，所以分享我哋嘅love story嗰陣都唔會覺得好尷尬。😜

Big Day嗰日，Carmen好早就已經到場，有再同我哋brief一次成個流程同提醒我哋一陣需要做啲乜，好多細節位都會提多次，例如點掀頭紗，點入場，令我哋都有個心理準備知道要點做。無論聲線，語速，語氣方面Carmen都拿捏得好好，做到一開始我想要嘅效果，甚至可以話好過出邊啲mc😆。賓客聽完都好投入入，連我同先生都覺得好感動，啲用詞都係非常恰到好處，唔會講埋啲爛gag。之前就係睇中 Carmen 嘅證婚風格好warm🥹， 所以我一有婚期就直接搵Carmen，律師同司儀嘅角色 Carmen 都做得好好，非常專業。成個氛圍都好舒服，好溫馨❤️！

之前朋友嘅證婚儀式係由Carmen主持，所以我對Carmen好有印象，因為佢嘅主持風格係我鐘意嘅style，所以我就同朋友攞咗Carmen嘅contact😚。 我好欣賞 Carmen 對於證婚呢份工作嘅態度，佢同其他嘅證婚律師唔同，佢會好用心聆聽我哋嘅故事先，了解我哋之間嘅經歷，再串連起啲故仔分享俾賓客。 一開始Carmen都會先同我哋討論返啲流程，再講解我哋需要注意啲乜事項或者需要準備啲乜資料。佢都花咗好長時間講解曬啲嘢，幫我哋檢查好啲文件，仲對我哋啲嘢都好上心，會幫我哋將啲copy send俾我哋，提醒我哋簽名要統一，同要檢查啲資料啱唔啱，我哋檢查完 Carmen 都會再幫手我哋核對一次。文件處理上都非常謹慎，係一個好專業嘅證婚律師。

Bigday當日，Carmen提早至少半個鐘到，一早就同攝影師，兄弟姐妹們夾吓，再同我哋對多次rundown。Carmen仲會同我哋講一陣可能會遇到嘅情況，事前同我哋rehearsal一次，俾我哋有個心理準備。我哋本身準備嘅結婚誓詞就比較簡潔，所以Carmen就準備咗幾個sample可以俾我哋作為參考，佢就建議我哋誓詞呢part可以加少少嘢，講耐啲，攝影師就可以影耐啲，我哋相就會多啲。而且Carmen都會share以往佢嘅experience俾我哋戴戒指嘅環節手勢可以點😜，攝影師可以從邊啲角度去影嗰效果會靚啲。我哋其實都好suprise，冇expect一位律師會有咁多其他方面嘅知識同埋經驗。同埋佢真係好細心，好多我哋諗唔到嘅位置，Carmen都會提出，都feel到佢好專業。所以我哋都比較放心，有個人lead住我哋，俾我哋好多指引下一步要做啲乜，support住我哋🌟。

當日嘅氣氛都好溫馨，好多賓客都好開心，聽得好投入，好識帶動氣氛。Carmen 一開始都有主動問我哋有冇請mc。如果冇，佢都可以擔任埋mc嘅角色，呢方面佢都好有經驗，仲好主動咁幫輕我哋，呢個位係我同先生都好感激 Carmen😆。 Carmen將我哋相愛嘅過程好有條理串連起嚟，我覺得講得真係好好，如果呢個故事由我自己講，都未必可以講得咁好。 啲朋友都問我拎Carmen嘅contact！我同先生都好滿意 Carmen 嘅表現，而且同 Carmen 相處都非常舒服，人好nice，一啲距離感都冇❣️！