朋友結婚嗰陣搵咗Keith Production，所以之前已經睇過Keith嘅作品。我都幾鍾意Keith 影相嘅風格，感覺好簡單舒服，所以我哋Prewedding同big day影相都係揀咗Keith Production一次過搞掂。 當時同Keith溝通嘅時候，佢都好有耐性詳細解答我嘅問題，亦都唔會hard sell，溝通上都好舒服。

影prewedding個陣，我哋揀咗室內studio拍攝。Studio裡面有好多玩化，有好多唔同嘅場景。 拍攝期間，Keith都好搞笑，帶動我哋當時嘅氣氛，令我哋可以好放鬆。佢又會不斷試唔同角度幫我哋影相，好耐性地教我哋點樣擺pose，教點樣企會影出嚟靚啲。而化妝師技巧都唔錯，化得好靚，可以化到我想要嘅妝容效果。攝影過程中，化妝師全程都好照顧我，幫我補妝，又會幫我印汗，又會好細心提醒我哋影相個陣企直啲，所以都好放心將我哋自己交比佢哋兩位。所以最後相我都無咩點揀，我都係交比佢哋揀，對佢哋好信任。其中印象比較深刻嘅系，我同老公手上都有我哋屋企隻狗仔嘅紋身，狗仔都係我哋一個好重要嘅屋企人。本身我都想話俾Keith知我哋想影埋個紋身，點知未到我出聲，Keith已經留意到我哋嘅紋身，仲主動問我哋介唔介意影下個紋身，問下我哋關於紋身嘅意義，佢真係好細心，觀察力好強。所以，我哋本相簿有一part 淨係得我哋嘅紋身，我覺得非常好！

而Big day當日，就唔係Keith，係另一位攝影師。佢都好好，每一張都幫我哋排好企位先影，又會教我哋擺pose，又帶動到當晚嘅氣氛，氹到啲老人家影相，所以屋企嘅長輩們都好滿意，大讚。我覺得佢哋成條team都好好，我好滿意！

我係朋友介紹而識Keith Production HK，都有睇過其他公司做過比較，最後揀咗佢哋。我同Keith係用WhatsApp溝通，😉Keith都好樂於解答我嘅問題，會主動詳細解答，唔會冇耐性，亦唔會hard sell，溝通上都好舒服😁。

我哋係用咗佢哋嘅Big day攝影，攝影師叫Tiff，佢嘅為人同作風都好好，好專業，都可以捕捉到攝影鏡頭，呢放面我好欣賞佢。 👍開始Big day之前佢哋會提前嚟場地做準備，成個過程都表現得非常專業，會不斷試唔同角度，不斷試唔同嘅地方，一有時間就捉我地去影相，🤓亦都會提醒我哋有咩注意嘅事項。攝影師同都會 lead到親戚朋友點樣排位出嚟嘅摳圖會好啲，相處起嚟都好舒服，唔會尷尬。 ☺️最深刻嘅事係佢哋有個助手幫我哋準備吹ball ball嘅嘢，為咗做出好靚嘅場景出嚟最後佢都做咗好多，成個團隊都好合作，先生都好滿意佢哋嘅服務，賓客有話拍出嚟嘅片效果好靚 🥰❤！