其實我都有參考過，網上啲評語都睇到Palette佢哋做planner既服務都好好，而同佢開始聯絡嘅時候佢就已經好friendly好積極咁回答我嘅問題。 出嚟見面嘅時候Zoe都會首先有問清楚有啲乜嘢我已經做咗，一路都會guide住我提醒我有乜嘢我需要嘅。👍🏻特別係當我知道佢哋有一個rate plan嘅時候，佢都會好靈活咁tick走一啲我已經做咗嘅項目，跟住可以俾我加番啲我未諗過或者係我未準備嘅item入去，都唔會話「哦你用唔到啊冇辦法㗎喇！」完全唔會！😁😁呢一點真係好impress到我，佢哋服務客人可以做到咁「人性化」係非常難得。

Zoe係一個好有準備嘅Wedding planner，佢唔會出嚟得個講字，佢係有晒電腦有晒presentation可以好完整咁話俾我聽一個婚禮流程應該要點做同埋要留意啲乜嘢。😃其實我都冇諗過一個wedding planner 可以認識晒全香港所有嘅商戶，而當我話俾佢聽我揀嗰個場地嘅時候佢真係可以好熟悉，令我convince佢真係識個喎！ 🙀講到試衫真係唔讚唔得，其實我冇諗過Zoe會真係全程陪住我，其實我根本都冇要求佢陪我試衫，反而係佢自己提出話試big day衫嘅時候一定要帶埋佢去，你都知啦，其實呢啲都係攞咗佢時間，佢仲要花時間去陪我試衫做埋呢一步真係為我付出好多。🥰🥰

其實搵planner陪住自己真係有好多好處，例如我幫襯嗰間一條龍公司， Zoe會留意到啲細節，而老實講呢啲細節我自己係唔好意思出聲嘅，但係經過Zoe問一問，啲細節好快就處理咗我自己又唔使出面，呢一點其實planner嘅價值真係好大。 其實唔止係試衫，就算跟住要同酒店開會同Banquet sales嘅同事講 rundown， Zoe都會陪住我幫我留意啲細節，然後將我婚禮成個流程逐樣逐樣合埋一齊，感覺真係令我好放心。💛 其實結婚前真係可以有好多好煩嘅事，例如我老爺奶奶掌握圍數嗰方面，今日可以話加一圍，聽日就可以話要多兩圍，跟住第三日又可以話要多三圍！不過好彩有Zoe幫我中間去調合，先可以唔需要我自己去煩。😉

不得不提嘅就係講到教堂嘅場地佈置。記得當時我都有諗住買佈置去佈置婚禮嘅場地，但係Zoe都話唔好嘥呢啲錢不如租就好喇，咁好啦我就決定去租啦，點知佢係會好到幫我去攞埋佈置，攞埋佈置物資都未夠，仲要當日big day幫我去佈置埋個場地！做到咁我真係諗都冇諗過！ 我都有喺Pallette 嗰度搵埋司儀，亦都係好彩呢一位MC我先至可以掌握好啲時間。因為有啲原因當日酒店場地係over run咗嘅，但係MC都會顧及場面幫我捉緊番啲時間追番個流程。

仲有仲有，當日big day其實我同老爺奶奶都發生咗一啲小插曲，都係好彩Zoe喺度夠醒目識得幫我處理當時嘅情況。講到尾有一個planner真係可以幫到手，有啲乜嘢突發情況點都有一個專業嘅人喺側邊睇住呢一點一定要讚！💯💯💯💯💯💯

行婚展去咗Palette Co.個booth度望下，我問佢哋問題，佢哋會詳細咁講解，然後比啲資料我睇，我覺得好有用就坐低咗繼續傾😆。聽男同事講解完，然後pass咗比Zoe繼續介紹。我都有compare過佢哋MC嘅style，最後我哋都覺得Zoe嘅風格比較適合😍，唔需要刻意搞氣氛，反而鍾意溫暖嘅，比多啲空間我同屋企人，所以我覺得女MC會適合少少，所以就揀咗Zoe。

其實大概流程喺婚展Zoe同我哋講過一次，但我哋都唔知由邊度入手，不過好彩Zoe比咗好有用嘅資料我，prepare得好詳細，做嘢又好有交帶，令我個心都定咗啲🤩。Zoe仲好主動約我哋出嚟，想聽我哋嘅愛情故事，雖然我之前已經喺WhatsApp寫咗幾個重點比佢，但佢都想親口聽我哋講下，有唔清楚就會同我confirm咗先，我覺得故事細節呢項都幾重要，所以我好欣賞Zoe做事好謹慎細緻😍！

到Big Day中午證婚，Zoe比我預期中早到，佢仲一早準備好晒，試好音，又同我啲花仔花女rehearsal，做嘢真係好有效率，乜都唔駛我煩，我都好放心交比佢❤️。Zoe帶動氣氛都做得好好。佢好識用我哋當日嘅場地佈置去串連我哋嘅故事，令到個主題好豐富。同埋，睇得出佢好重視我哋嘅愛情故事，正因為佢之前好用心咁去記低，所以當日十分流暢咁講返出嚟，近乎冇錯，成個故仔都好complete，個flow都好流暢，諗唔到可以講到咁好👍🏻！Zoe真係好有記性，又好pro，又creative，好值得一讚。仲有，由於個music list我哋係當日朝早先完成，因為好急趕，所以我一直都好緊張，好彩Zoe好快手咁再三幫我confirm，我個心都定返啲🤣。

婚禮途中，如果我哋忽然有嘢想講返，好似我先生致詞有啲嘢漏咗，Zoe就會臨場應變，幫我哋控場補救返，例如話「先生好似有啲嘢想補充」，比我先生講返，個銜接位好smooth，我覺得呢樣嘢Zoe做得十分好，應變能力好高💯。如果有啲嘉賓行開咗，Zoe又會主動嗌啲賓客嚟影相，好自然咁聚集大家影大合照。我好欣賞佢會留意好多細節位，因為我哋兄弟姊妹多，佢就建議大家唔好齋企係度，拎起手機著燈迎接我哋，估唔到個效果出到嚟咁靚，好surprise😍。

我真心覺得Zoe好專業，佢可以全日keep住微笑😄。佢仲好活力，賓客聽到佢把聲會好有精神，聲線有抑揚頓挫，用詞適當，又可以帶動氣氛。佢同客人會有互動，例如拋個波出去，而觀眾都有比反應，大家聽完都覺得好開心。🎉🥂