最初我就睇中一間比較多人推介嘅攝影公司，不過佢嘅景好少，價錢又接近4萬蚊，我就同先生再繼續搵其他公司，咁啱見到 Red Wedding我幾鐘意，我就去詳細了解啲資訊，價錢方面 Red Wedding 都比較符合我嘅預算，最主要係佢哋景點嘅選擇超多，起碼有百幾個，好多元化，基本上乜風格都齊曬，連我最中意嘅韓式都有🥳！

全程serve我哋嘅係Bowie，開頭我仲以為佢係為咗sell我先咁nice，相處落嚟，原來佢為人真係咁nice，又好helpful。佢好清楚新人可能會有好多問題，所以Bowie都會主動解釋清楚每一part俾我哋了解，仲會問我對價錢仲有乜顧慮都可以盡量提出，佢都可以幫我哋再調整。攝影師都好好，幫我哋編排啲行程，一早就先喺studio到影，晏晝再去影外景，咁樣就會smooth啲。影外景大家最擔心就係落雨，天氣唔好，點知後尾真係落雨，不過攝影師好快就已經諗好應對方法，啲相都睇唔出落過雨，我覺得好有技巧🤩！我total就去影咗兩個外景，好多都喺studio到影嘅，景嘅選擇真係好多。我哋揀咗6個景點嚟影，最後見仲有啲時間，攝影師都建議都建議我哋不如影多幾個景，又會推薦我哋一啲熱門嘅景，好了解新人會鐘意啲乜。👍🏻

我哋收到相簿之後都好滿意啲相，攝影師嘅手法好獨特，我哋當場就同同事book定我哋婚期嘅slot指定要呢位攝影師幫我哋影Big Day！❤️ 拍攝前，其實我都有send個list俾攝影師，入邊就有我拍攝會着嘅衫，同埋我想要嘅pose，想要嘅feel，佢都有記低，睇得出對新人非常上心。 無論燈光，角度，人像嘅位置都拿捏得好好，教我哋擺啲pose，又提醒我哋啲雙下巴要點收，令我哋都唔會手足無措，拍攝過程好relax。成品嘅效果係好自然，好多朋友睇完都以為我哋去咗好多景點。😚我都透過 Red Wedding 嘅介紹之下認識到化妝師 Suki，佢哋同 Suki 已經合作過好多次，拍攝當日都係由 Suki 幫我化，我將我要嘅妝容話咗俾佢知，佢都好犀利，一講就已經get到我要嘅嘢，好快手幫我化好！另外，我覺得 Red Wedding 嘅修衫師傅都好有經驗， 師傅 Lisa 會同新人喺Bigday前約時間confirm final size，又會即場試完就改，我自己做服裝類嘅工作，所以對件衫嘅cutting比較有要求， Lisa都可以滿足到我嘅需求，佢嘅手勢好有功夫，一定係用好耐的經驗累積返嚟👍🏻 我哋之後都有喺其他booth到遇到啲同事，佢哋都認得我哋，仲share好多唔係關於攝影嘅婚禮經驗俾我哋，同事都超細心，真係幫輕我好多，就連件婚紗都係攝影師幫我攞返去studio到還，新人就唔洗第二日再返去。😝

開頭去咗幾個booth對比吓啲公司，有位朋友就介紹Red Wedding俾我，我就直接去到門市到了解。門市啲同事都好nice，介紹咗啲package俾我，Red Wedding嘅package都已經包咗好多嘢。佢哋同事知道我哋係透過朋友介紹嚟，即刻就送咗我一輯可以喺studio影嘅室内相，以呢個咁吸引嘅價位可以影到外地同室内已經令我好難抵抗 😍 ，而當中同事一啲hardsell都冇！

就算我問好多問題，同事都可以即時ontime覆到我，好願意幫我解答，我都覺得好放心。我哋就諗好要去日本京都影紅葉嘅景，我都有share俾攝影師一啲我朋友分享嘅紅葉景點，原來攝影師同化妝師有提早出發去京都到做research搵啲靚嘅紅葉景點，攝影師搵啲景點係勁多紅葉💕。反正攝影師都已經做好曬功課，我哋就覺得不如直接跟住攝影師嘅plan行，相信佢哋都係推介最好睇嘅景點俾我哋！🥰

拍攝期間攝影師都非常細心，會了解我哋嘅喜好同埋需求，咁我哋就想有日本式嘅feel，但係我哋就唔會着和服，但我哋都見到攝影師影得好有日式feel，本身仲有啲驚！😜因為我見到 Red Wedding啲相嘅風格普遍都係比較韓式，不過我哋要嘅風格攝影師都可以做到🤩。 我同先生都屬於比較內斂，少影相，所以初初嗰陣覺得好尷尬，攝影師都會俾啲指引我哋，教我哋點擺pose，影吓影吓就唔覺尷尬喇，反而已經好投入，好輕鬆。😆

 Red Wedding嘅化妝師都幾好，妝化得好自然，影外景免不了頭髮會吹散，妝會融，佢都一直幫我整理，跟得我好貼，好多時候我唔方便嘅嘢，都會幫手我，好照顧我❤️。 除咗化妝師，攝影師我覺得好好，好nice之外，我都想稱讚幫我揀婚紗嘅同事，一開始我就想搵魚尾款，婚紗款式嘅選擇都好多，但係我試完幾款都冇我想要嘅效果，當時我就同同事講，假設我搵唔到啱嘅，我就去出邊租其他婚紗。同事就攞咗件未開放出租嘅新款俾我試，我第一眼就好鐘意條裙😍 ， 條裙尾設計有少少透視再加我要嘅魚尾設計，同事都話咁鐘意就試吓先喇，咁啱fit到我嘅身型，所以我就直接揀定要呢款。

我之後都有上網做啲research，原來件裙同鋼琴大師嘅老婆係同款，好幸運可以着到名人同款，好感激同事未開放都可以俾我租先🥹。我去拍攝就順便都去埋旅遊，大概10日，同事都話等我返嚟再還件婚紗都ok，而且時間方面都會遷就返我。 我本身嘅婚期就喺新年期間，影完紅葉嘅季節，其實時間上對於 Red Wedding嘅同事嚟講都有啲緊迫，但佢哋都應承一個星期之内可以俾我哋揀相，做嘢好有交代，嗰一刻我都覺得好安心，好多方面都盡量滿足新人。相嘅效果係比我預期仲靚，仲完美。我哋睇相睇咗好耐，同事都冇催我哋，反而自己去忙其他嘢，等我哋自己揀完再幫我哋望一望，仲會建議我哋反正都已經買曬啲相，不如加多幾張相擺入相簿到，令排版嘅內容可以豐富啲。成個過程都好愉快，舒服，同事做嘢又有效率，Bigday前都已經收到曬所有作品，超快手！