我係通過wedding planner介紹認識，我都有喺網上參考下證婚嘅程式，自己都有了解下，咁啱有位女同事喺上年結婚都揀咗呢位律師，我都有係現場參加，見到佢做嘢都好好，我對佢都好深刻印象，所以最後就揀咗佢。😉 我哋有face to face同whatsapp溝通，佢做嘢都好親力親為，好負責任，就算陳律師嗰段期間好忙都會好快親自回覆我嘅WhatsApp，所有嘢都跟得好足，有問題都好願意幫手解決。🤓事前有啲手續需要處理，咁我先生就去咗律師樓處理，我先生都話佢做得好詳細，同埋佢都有同我聯絡返，問我有冇文件係要攞返嘅，聯絡完之後佢嘅秘書俾咗我類似清單嘅資料我，非常上心，大家都會互相遷就。👍

當日佢有提早到現場做準備，都有再好細心咁同我哋講返證婚嘅程序，佢全部嘢都親力親為之餘，同埋好值得加分嘅係，佢好有親和力，佢有喺證婚前會同我父母打返招呼，佢將我嘅婚禮大事除左當係工作都會好重視我嘅婚禮。👍因為陳律師耐性真係非常好，對老人家都好照顧，唔會催促大家要快啲完成所有事，做事會一絲不苟。佢仲會係婚禮前都會向我做足功課，例如會問請清楚我嘅司儀要點稱呼，呢啲小細節佢都會早一星期打電話同我哋溝通好，真係好專業。💯

當日個氣氛方面都好配合到整個場地，成個氣氛都係好輕鬆好歡樂，完全附合到我哋心目中要嘅嘢。賓客都好滿意佢做嘅證婚儀式，覺得佢好幽默，令賓客好容易融入氣氛當中，成個過程都好好😁！

我以前係陳律師嘅同事，我哋都有WhatsApp溝通，同埋都見過兩次。👍之後佢會sent個list畀我，話需要準備啲文件，叫我哋準備先，啲程序都解釋得好清楚，個張程序都俾我攞咗。 ☺️我都覺得佢好專業，好有經驗，做咗好多嘅證婚，例如啲屋企人需要坐邊個位，佢都會幫手提點。

準備證婚嘅時候，佢都會問我同太太點識，拍咗幾耐拖，同埋會問我哋證婚風格想要輕鬆啲，或者係正經啲咁，同埋需唔需要證婚台之類，佢真係問得好清楚好細節，會嘗試了解我哋嘅喜好。☺️ 證婚個日，佢都提早到場做準備。證婚當日，因為喺戶外好曬好熱，賓客都冇可能坐太耐，都可以好快好爽手咁完成個證婚儀式。同埋可能當日太熱手流汗，所以交換戒指嘅時候好難戴，咁佢都會嘗試搞下啲氣氛，講下笑😆，暖和返嘅氣氛，就覺得冇咁尷尬。 基本上，整個證婚儀式進行得好順利，有啲賓客話睇得出佢好有經驗，好專業，解釋得好清楚，如果有朋友結婚嘅話，我都會介紹陳律師俾佢哋。💯