嗰陣時都有睇過其他公司，但最後我覺得Lafemme Bridal價錢比較合理， 就揀咗佢哋💗。我覺得佢哋嘅同事都好friendly，有咩問題佢哋都俾到好專業嘅意見我哋， 相處上都好舒服，唔會hard sell我哋🥰。 Lafemme Bridal會分時段比唔同新娘子去試衫，不過可能佢哋公司比較新，有陣時都未必handle到好多新人。我覺得佢哋啲衫雖然唔算好多，但都揀到啱心水嘅款，試出嚟都好靚❣️。 上到去就用iPad揀自己想要嘅款， 着婚紗嗰陣佢哋都會幫幫手，會睇睇我着成點🌟。試身嘅空間都大， 唔會覺得好窄同迫🥰。 Big Day當日有啲朋友都話我件婚紗幾靚😍，好fit我嘅風格同身材。長輩同先生嘅衫，仲有裙褂，都喺佢哋嗰度租埋😆，但俾衫嗰陣時，同事就全部放曬入一個大袋，冇獨立嘅衫袋。如果有衫袋分開每一件就會好啲！ 有一件衫拎嗰陣先發現條腰帶已經爛咗，如果同事check好咗先俾我哋，就會好啲。因為第二日我就結婚，所以我哋就自己縫番好佢。啲衫整體都好新淨，唔會睇落去覺得好殘舊👍！我都介紹咗好多朋友去Lafemme Bridal租衫，可以一次過租曬媽咪奶奶先生同埋自己嘅衫💘！

上網見過Lafemme Bridal嘅作品，我覺得佢哋嘅風格幾啱自己，啲相都係自然嘅風格。同其他公司相比之下，我覺得Lafemme Bridal嘅價錢比較合理🥳。之後都係透過網上去溝通，面談嘅時候我都覺得佢哋兩個女店主好Nice😍，而且都唔會hard sell，又會好細心咁去解答我嘅問題。有時我都會提出啲要求，佢哋都好有耐性去諗點樣去滿足，同埋會了解咗我嘅需要先，再俾其他嘅意見😚。

Pre Wedding 同埋Big Day都係搵咗Lafemme Bridal。Pre Wedding我揀咗室內影同去大帽山影外景，室內都幾多場景可以影❣️。攝影師都幾有自己嘅style同好有耐性，會教我哋擺pose😆。化妝師幫我化咗一個自然嘅妝容， 個妝我都好滿意😙，同埋佢都有幫我補妝同埋幫我執下個樣🤩。 Lafemme Bridal嘅同事都好Nice， 同好照顧我哋，而且我覺得佢哋都幾易相處，做嘢都好有效率同埋好夾。嗰日影相都投入到去個氣氛嗰到，啲相整體都係好靚同埋好高質素💖！