之前有睇過同類型公司，但係朋友介紹Re.born Wedding所以就揀咗呢間，我主要揀佢哋係因為睇同事都幾responsible，都好熱心解決件事，無論睇場，啲menu，都覆得快。👍我哋都係WhatsApp溝通，同兩次面談，係未落實前，無論幾夜都好，佢哋都覆得超快，所以我好放心交畀佢哋。

佢哋都有豐富catering嘅經驗，而catering嗰part我好信任佢哋。😁我哋用嘅服務主要係場地，decorate同catering。Catering方面有cocktail，一啲類似finger food，有主菜，同埋唔少嘅甜點同飲品，飲品就唔包括酒，但有果汁同熱飲。嘢食上都OK，好多款式畀我哋揀。到最後，我哋想再豐富啲，所以就轉咗二十幾個款，因為我哋都好多人，但係佢哋都好配合嘅。試食嘅時候，覺得味道都好好😋。 

佢哋會比預定時間提早去準備。Decoration都ok，因為會場冇提供，佢哋都會幫我搵埋，出嚟嘅效果完全係我哋想要嘅嘢，啱我哋嘅要求。☺️場地嘅環境都幾靚配合埋deco，超出我哋嘅預期好。音響就一般，臨近證婚前，個音響冇mic冇聲所以就delay咗少少。咁沙頭角場地真係需要讚，因為真係好靚，係個草原婚禮。每一part都好有心思，好多地方可以畀人影相，真係好靚🥰。同埋我哋嘅時間係上午2:30到下午7:30，夜晚嘅時候佢哋都會拉啲波波或星星燈，成個場地睇落去日夜都好靚。婚禮進行前佢哋都有confirm過我哋啲野食，總算跟進得好足。😍👍

我覺得佢哋嘅同事好真誠，又唔hard sell😆。 而且Re.born Wedding嘅食物質素同餐具擺設都好過其他公司，因為佢哋真係搵西廚去處理食材，而且同事都好願意去解答我哋嘅問題， 所以就揀咗Re.born Wedding💕。佢哋都好有經驗，所以俾到好多意見我哋🥳。我哋揀嗰個係buffet，安排上都好flexible，因為餐單上面嘅嘢都可以轉😙。食物質素都好好，我覺得真係有高級西餐廳嘅水準🥰，例如一啲意式魚柳嘅醬，唔係就咁加蕃茄醬落去😋。成個buffet嘅餐點真係花時間嘅嘢，不是現成嘅嘢食，真係好有誠意🔥。

因為Re.born Wedding同場地都有合作過，所以佢哋自己可以做埋聯絡呢一部份，我哋唔洗做中間人😜，所以都好放心交比Re.born Wedding👍。賓客好鍾意佢哋嘅嘢食，覺得終於唔係食中餐之餘，仲話真係好好食😆。不過長輩就覺得西餐未必啱食， 始終佢哋都係鍾意食中餐多啲🤣。我哋有啲朋友喺台灣嚟，佢哋都話喺台灣食唔到呢個質素嘅嘢食😎。 仲有一個好貼心嘅位係，佢哋都知我哋會好忙，所以都有夾定啲嘢食俾我哋，等我哋有時間就可以食💖，同埋都令我哋知道啲嘢食大概係咩樣，而當日嘅嘢食同試食比起都冇咩落差😚。

我都會介紹Re.born Wedding俾朋友，因為佢哋係一班好真誠嘅團隊，唔會為咗sell我哋，就咩都應承，話可以做到，反而係真係做到先會答我哋💘，而且Re.born Wedding比起一般到會嘅質素好，成個過程都好滿意💯！