比較咗幾間公司之後，我就搵咗Deco House，我同先生直接上去office到傾。同事聽完我哋嘅要求之後，都表示可以做到我要嘅deco，加上同事嘅服務態度令我哋覺得好安心。我覺得對比起出邊嘅公司，Deco House嘅配套比較簡單，可以直接揀要平或者貴嘅plan，而且收費比較透明，好多嘢都係明碼實價講清楚，價錢方面都係比較屬於實惠。 溝通嗰陣，同事都好快get到我想要嘅嘢，所以好快就起咗draft俾我哋過目。同事都好快手，可以搵到啲類似嘅作品圖俾我哋參考，令我哋都大約估到出到嚟嘅成品係點樣。佢哋交出嚟嘅draft都唔錯，就算之後我先生想喺顏色到再做少少調整，同事都好好有耐心咁再幫我哋修改，盡量滿足我哋嘅要求。我最surprise嘅係因為我冇提前去睇場地，但Deco House嘅同事有提前去會場到望吓，同事提返我原來有條走廊喺中間。佢哋好好，有再幫我重新design啲draft俾我睇，就話可能再加啲deco喺條酒廊就可以👍🏻我哋本身真係唔知有條走廊，好在佢哋同事有提醒我哋，如果唔係到時真係唔知點算好。

Big day當日我哋要去教堂，所以好晏先去會場，但我哋去到嗰陣，啲deco已經setting好曬。有啲大概6點鐘到嘅朋友話見到啲deco已經ready好，Deco House同事set完場後都會影相 whatsapp 交代話已經準備好。最貼心嘅位置係因為有啲賓客行過可能會睇到Backdrop嘅背面，同事就問我哋介意嗎，我就想同事幫我搵塊布遮住，同事都好快幫我遮好，仲影埋相俾我睇。後尾我哋都見到條走廊比我哋預期中闊，所以旁邊嘅裝飾物唔夠豐富，同事有再幫我加啲裝飾物，蠟燭同花，出嚟嘅效果都好靚，做到我想要嘅效果，符合返我哋婚禮嘅主題，好多朋友都大讚好靚🤩！所以我覺得佢哋臨場反應好快，都有做好兩手準備，知道新人可能需要啲乜，做事又好有交代。

Deco House唔會係咁催我哋俾錢，到Bigday前一個星期我哋先搞掂 final payment 。好開心可以搵到Deco House，佢哋真係好有經驗，幫輕咗我好多嘢。成個體驗都好好，呢個價位除咗有deco之外，仲包埋啲相框嘅裝飾，真係超值。同事又好窩心，bigday前一晚仲特登提醒我早啲休息，deco可以放心交俾佢哋，感覺真係好重視我，呢點真係喺我意料之外！❤️

我哋覺得Deco House嘅價錢比較抵，但提供到嘅服務同其他公司一樣✨，所以就揀咗佢哋💘！ 睇過啲評語都覺得幾正面，而且都提及到我想要嘅效果😆。佢哋覆得好快，啲draft 都好快俾到我哋睇，又會問吓我哋意見💯。因為我哋都有啲選擇困難症，佢哋都俾到好多專業嘅意見我哋，佢哋又會同我哋講下酒店之前整過啲咩裝飾，我哋都可以做個參考，可以有多啲idea🌟。

花嘅色系有五種，但係我覺得唔係好揀到想要嘅顏色，Deco House就同我哋講可以將佢哋mix埋一齊，可以偏粉紅色或者偏橙色🥰，所以都覺得佢哋會聆聽客人嘅需要同盡量滿足我哋嘅要求！我哋就搵咗佢哋幫手整Backdrop，reception table 同其他一啲裝飾。 我哋嗰陣時睇完Backdrop嘅設計，都有話想要多啲花🌸！Backdrop 係有啲珠珠鏈整咗上去，雖然影相未必影到出嚟，但自己睇到真係好開心😚！啲deco都好符合返我哋酒店嘅風格同婚禮嘅主題，而且佢哋做嘢勁快手，我哋係擺午宴，但朝頭早八點Deco House已經準備好曬所有嘢😝，我哋都覺得好驚喜💖，而且因為佢哋同酒店合作開，所以會幫我哋同酒店嗰邊溝通，唔洗我哋做中間人，成個過程都好滿意❣️！