疫情下搞婚禮真係頭都大埋，無論人數、日期、形式等等全部都改完又改，但自己又始終對婚禮有啲執著，好想要Live Band，可以點做？今次Bespoke Wedding請嚟Neo Music Production Ltd同大家分享疫情下請Live Band要注意嘅事項，仲有唔少貼士俾到新人，希望大家可以共渡時艱，有一個難忘嘅婚禮！
撰文：婚享會編輯部｜圖片來源：Neo Music Production Ltd, 網上圖片
div class="bw_blog_ads">
你覺得Live Band 喺婚禮入面嘅角色係⋯⋯？
Live Band可以令成個場嘅氣氛變得好唔同，同時令賓客更加投入～ 有Band喺度仲可以玩好多嘢，好似新郎、新娘夾Band唱歌，喺現場設置Dance Floor大家一齊跳舞咁～ 而且新人March In、致辭嘅時候，Live Band可以即時配合成個氣氛，帶出感動位，呢樣係純粹播歌做唔到嘅效果～ 而我哋亦都會配合新人唔同嘅風格，幫佢哋Tailor-made合適嘅音樂，用咩樂器、歌曲想要咩節奏、種類等，做到新人想要嘅效果～
.jpg)
疫情下最常聽到新人嘅問題係⋯⋯？
疫情下新人都有Keep住搵我哋，無論係已經Join咗Package搵我哋幫手，又或者係新嘅查詢都有，大家最擔心嘅當然係改期嘅問題～ 好多新人都因為疫情被迫要改期，我哋明白呢個情況大家都唔想，所以今年要改嘅期都會盡量配合，無特別加錢。知道大家面對疫情，心入面都有唔少問題，各位新人記住唔好擔心，有咩照直問，希望大家嘅配合可以紓緩壓力，令成件事更加Perfect，更順利咁舉行婚禮！
新人改期嘅時候，會有咩後備Plan？
即使要改期而某位歌手／樂手咁啱撞期，我哋都有足夠人手可以調動～ 明白新人要改期，重新安排啲嘢都已經好煩，所以我哋做到嘅都會盡量配合！
疫情下嘅婚禮形式轉變？
我哋試過幫一對6月結婚嘅新人表演，知道新人嘅爸爸媽媽因為疫情關係，飛唔到返嚟香港，所以新人都有開住Live影現場情況，俾父母睇到現場Live Band，睇到佢哋跳舞，令爸媽都可以感受到現場氣氛，分享喜悅！
疫情下Live Band有咩防疫措施？
一定會用心消毒，無論每一Set樂器、用具，人同物件都會全面消毒，而且樂手同歌手都非常注重衛生，使用搓手液、勤洗手等防疫措施都一定做足，時刻提高警覺。
疫情下嘅音樂風格轉變？
疫情下大家都更加珍惜身邊人，比平時更加感性，所以曲風大都比較Emotional，多於Crazy Party嘅感覺。無論係新人又或者賓客，總之成個婚禮嘅氛圍都好有愛，令大家好享受～ 始終呢個時勢搞婚禮一啲都唔易，透過感動嘅樂曲，可以帶出感恩嘅心。
疫情下搞婚禮Live Band有咩Tips俾到新人？
若果擔心人數方面 ，可以由細啲嘅Band開始，例如可先預約3人樂隊，然後喺差唔多到婚期嘅時候，再觀察疫情嘅情況，如果疫情比較穩定嘅話，就可以按情況加人數，加到 4-5人，我哋都會盡量配合，咁樣就可以令成個安排更有彈性啦！
div class="bw_blog_ads">✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略： www.bespoke-wedding.com/
