精選網誌

【結婚花車】租結婚花車8大須知!專家教你問清楚免跌入陷阱

Back to top

2020年07月24日 20:14:29

【結婚花車】租結婚花車8大須知!教你問清楚免跌入陷阱

搞婚禮有十萬樣嘢要煩,其中一樣好重要嘅就係租車!唔好以為租花車就咁見架車靚就租,其實事前要問清問楚,先可以避免租車嘅各種陷阱!今次Bespoke Wedding請嚟SAI events司儀統籌師Michelle Ho同大家分享租車嘅3大要點同8大須知,仲有疫情下租車嘅注意事項,即刻睇睇做定功課!

撰文:婚享會編輯部|圖片來源:SAI events, 網上圖片

【婚禮喜帖】靚到唔捨得掉的喜帖!一文盡覧文青、夢幻、中西款式,仲有明星都用的潮帖!

【結婚花車】租結婚花車8大須知!教你問清楚免跌入陷阱

租車前3大注意事項!

1/ 公司有無商業登記?

唔少婚禮公司都會同租車公司合作,最緊要留意清楚接你生意嘅公司究竟有無商業登記~ 有啲公司未必有實體店,但都可以叫負責人影商業登記俾你睇~

2/ 花車裝飾避免用膠紙!

為花車裝飾嘅時候,最緊要記著用吸盤或者絲帶,千祈唔好用膠紙,避免破壞車身~

3/ 睇相已足夠?

通常新人都會睇相揀車,但亦都試過有新人要求公司揸車俾佢哋睇睇,咁就要睇花車公司配唔配合到~

【結婚花車】租結婚花車8大須知!教你問清楚免跌入陷阱

租結婚花車8大須知!

各位新人租車時最緊要將心比心,小心唔好整花/整污糟架車,而且租車前亦要先問清楚以下8大問題:

1/ 公司會唔會有清潔費?

曾經有新人租咗白色Tesla,然後喺新娘出門嘅時候撒米,啲米係紅色嘅,加上嗰陣落緊雨,啲紅米甩色,自然亦整污糟咗架車~ 有啲租車公司可能無特別講清潔費,但為咗保障大家,即使佢無講,你都一定要記得問!

2/ 若果唔小心刮花咗架車/有損毁,咁會點處理?

曾經有新人試過因花車公仔太重而刮花咗架車,所以租車前最好都預先問一問~

3/ OT要幾多錢?

問清楚公司有無OT收費,收費係幾多,同埋呢個OT收費係咪已經包括司機、油費同租車費用?

4/ 問清楚「點」要點樣計?

「點」其實即係地點,以一般租車公司嘅計法,租車4個鐘可能只趕到3至4個地點,如果想去更多目的地,就可能要再收費~ 所以落訂嘅時候就要問清楚,以免大失預算!

5/ 遠程附加費點樣計?

如果係偏遠或新界地區,需唔需要額外收費?需要嘅話係點計?

6/ 泊車費、隧道費、橋費點樣計? 

通常都係實報實銷,不過Book之前都係問一問穩陣啲~

7/ Big Day前突然改行程嘅附加費?

有新人試過confirm咗租車行程,但Big Day前一兩日又突然想改,但一轉就可能要俾附加費~ 又或者Big Day當日臨時想加一個點,又要加錢,但究竟要點計?呢啲都係事前要問清楚嘅事項~

8/ 早過早上8:30的話,會唔會有附加費?

問清楚以上要點,免得到時有收費嘅爭拗!

【結婚花車】租結婚花車8大須知!教你問清楚免跌入陷阱

【結婚花車】租結婚花車8大須知!教你問清楚免跌入陷阱

疫情下租結婚花車嘅注意事項?

上車時最好大家都戴口罩,而且可以問定花車公司,車入面會唔會有防疫產品~ 無嘅話自己要準備~ 若果新人預計有可能要改期嘅話,就要及早問定租車公司會唔會有附加費?同埋個期得唔得?只要及早發問同好好溝通,一般花車公司都會盡力作出配合。

【結婚花車】租結婚花車8大須知!教你問清楚免跌入陷阱

點樣避免租車陷阱?

曾經有花車公司同你講今日可以book呢架車,但Big Day之前就話架車壞咗,然後迫你要換車,令新人相當無奈。其實而家好多新人都鍾意分享自己搞婚禮嘅經歷,所以大家租車前,可以先上網搜尋一下花車公司嘅評語,睇睇有無負評,再好好注意以上各個要點同問清8大問題,避免跌入租車陷阱!

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略: www.bespoke-wedding.com/

gif