精選網誌

【婚禮儀式】安床儀式懶人包!一文盡覧安床儀式流程細節!

Back to top

2020年08月07日 19:27:07

【婚禮儀式】安床儀式懶人包!一文盡覧安床儀式流程細節!

「安床」係傳統婚俗入面唔可以缺少嘅流程,目的係令整間新房都沾滿喜氣,祝新人「早生貴子」、「多子多福」~ 不過好多準新人都唔知咩係安床,亦唔了解當中細節,即睇安床儀式懶人包,好命婆、所需用品、儀式細節等一目了然!

文:婚享會編輯部|圖:網上圖片

 

安床日子、位置

安床儀式之前,當然要買一張新床,喻意新嘅開始~ 擺放時候都要注意,唔可以對住門窗位置,一般都放喺中央,比較正氣~ 婚床切記唔可以放喺橫樑之下,亦都唔可以對住柱~ 至於安床嘅時間,可以選擇喺迎親前嘅一日,一般都會選擇早上鋪床,如果前一日唔係好好日嘅話,就可以揀最近婚期嘅一個好日子安床~

【婚禮儀式】安床儀式懶人包!一文盡覧安床儀式流程細節!

 

準備安床用品

新床嘅用品基本上都以紅色為主,唔建議揀粉紅色床~ 除咗床鋪、枕頭、龍鳳被等等,仲要擺上花生、桂圓、紅棗、蓮子等等嘅物品,喻意早生貴子,幸福滿溢~

【婚禮儀式】安床儀式懶人包!一文盡覧安床儀式流程細節!

好命婆鋪床

為新人鋪床嘅好命婆都非常重要,女方要搵一個長輩係「福、祿、壽」三全嘅吉祥婦人,意思即係:婚姻和睦、五代同堂(或三代同堂)父母、老公、仔女都健在,身體健康嘅人,一邊鋪床,一邊講吉利說話,例如「兒孫滿堂、龍鳳吉祥」等等,將好運傳俾新人~ 之後新人或者父母都需要準備利是俾好命人,以示感謝~

壓床

 

金童玉女壓床

好命婆鋪床之後,就要請一至兩位健康可愛、聰明伶俐嘅男、女小朋友喺床上翻滾,意指受到金童玉女嘅祝福~ 最後當然都要封利是比佢哋啦!

【婚禮儀式】安床儀式懶人包!一文盡覧安床儀式流程細節!

鋪床儀式禁忌:

鋪床儀式都有禁忌,好似農曆「破日」不宜安床,唔可以俾探望嘅人坐喺新床上同新人傾計,亦唔可以俾失婚者坐臥新床。結婚當日,新娘可以坐喺床上但唔可以躺下,新郎亦都唔可以單獨瞓新床。而且喺婚後四個月內唔可以空房,若果要外宿嘅話,則由家人睡新房,或者將新人衣服放喺床上。

div class="bw_blog_ads"> 

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略: www.bespoke-wedding.com/

gif