唔少新人都想影一輯夢幻婚照，影得靚固然重要，但要揀一間有誠信嘅婚攝公司更重要！繼早前韓國2018年 Wedding JUN 6婚攝騙案事件後（延伸閱讀：【韓國婚攝騙案】18萬FANS黑店！中伏苦主：就結婚都未有相，好後悔貪平…），又有新Case！M先生（化名）親自報料，話佢搵一間攝影公司影Pre wedding，上年2019年9月影完返嚟，到今年已經完成註冊，到而家11月結埋婚都仲未收到相！唔少網民同樣表示曾經中伏，更喺Facebook各留言板開Post，甚至建立 @Ztage苦主大聯盟2.0 ，列出該公司嘅各大罪狀！Ztage嘅拍攝地點遍及唔少地方，但較為人熟悉嘅就係韓國～ 今次分析出4大罪狀，各位想搵婚攝公司嘅各位新人一定要留意下文，以免中伏！
撰文：婚享會編輯部｜圖片來源：網上圖片
罪狀 1 : 拖到註咗冊都未有相？！
M先生報料，話說佢上年2019年9月影完返嚟，原本預計今年2至3月有相，點知一拖拖到今年結埋婚都仲未收到相！該公司今年8月曾回覆話終於可以有相攞，點知到時候又揾其他理由係繼續拖，每次話Check但最後都係無回覆，拖到宜家11月都係音訊全無！
罪狀 2 : 玩失蹤！
公司一直【拖】字訣，一時話因為要Work from home所以未有相，一時回覆嗰位同事又話「唔係我負責，我只係咁啱睇到呢個Message。。。」，然後無限 loop 一拖再拖，拖到最近 M先生 親自上去佢哋Office，點知發現公司已經搬走咗! 仲變咗另一間公司！但事前完全無通知！另有客人約咗上去拎衫，亦經歷類似情況浪費時間讓新人白行一趟！
罪狀 3 : 不但止係客人、連 freelance 和其員工都中伏！
除咗M先生之外，唔少苦主都有喺網上報料，更組成 @Ztage苦主大聯盟2.0 ！當中更有一位新人，約咗時間上去拎裙，點知到 咗發現全鋪吉哂，一直打電話、Whatsapp，都無人覆、無人聽！有 freelance 化妝師今年2、3月嘅工資到而家11月都收唔到，亦有舊員工表示曾被拖糧。該名化妝師早前更入稟法院向 Ztagewedding Ltd 進行申索, 而公司當事人更未有出席法院審理而讓化妝師獲得勝訴！
罪狀 4 ：改名換姓！
喺苦主Group更有苦主報料話該公司已經改名為 Teamone Production，本平台都有留意其他新人有曾經留 comment 向此公司追討，但往往後來 comment 都會被其版主統統刪除！
疫情下共勉之！城中韓國婚攝公司伸出緩手救苦主～
婚享會 Bespoke Wedding 明白各位新人喺疫情之下都已經要面對唔少煩惱，所以都想為婚禮界出一點力～ 今次我哋主動聯絡城中都頗有名氣同規模嘅韓國婚攝公司：S.A.Wedding 婚紗攝影 以及 Kimchumma JEJU Wedding 金珠媽濟州婚紗攝影 ，當中 S.A.Wedding 婚紗攝影 嘅工作範圍遍及韓國各地，而 Kimchumma JEJU Wedding 金珠媽濟州婚紗攝影 則主力於濟州工作～ 這兩間公司負責人知道後都話好同情各苦主嘅遭遇，好樂意義務幫助各位受影響新人～ 佢哋唔單止喺韓國當地有人脈，亦同韓國多間影樓有合作關係。如果大家想同涉事韓國影樓方面聯絡、了解相片情況同進度，佢哋都好樂意為大家送暖。在此我哋平台都好衷心感謝佢哋咁有心，所以溫提各位新人，佢哋確實只係義務協助，雖然未必100%可以幫你哋追到，但心意搭夠，幫唔幫到手，都值得表揚同感謝！希望各位新人於疫情下共勉之 💪！
S.A. Wedding
電話：(+852) 2543 8826
電郵：sawedding@sagroup.co
網址：https://sawedding.com.hk
金珠媽濟州婚紗攝影
whatsapp：(+852) 9811 9942
Wechat/ Line ID：Kimchumma
電郵：kimchumma@gmail.com
網址：www.kimchumma.com/prewedding
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊😍即睇每月精選結婚優惠及獨家非凡禮遇🎁兼賺里數換蜜月機票攻略： www.bespoke-wedding.com/
div class="bw_blog_ads">