2021年12月09日 20:58:09
新一代準備婚禮都會加入唔少流行元素，好似宴客酒水唔一定要揀紅酒白酒，依家香港有好多高質本土釀酒品牌，主打Made in Hong Kong之外，仲加入咗好多「香港味道」。如果想自己一生人一次嘅婚禮能夠充滿個人風格，或者可以考慮下以下香港釀酒品牌！
1. 香港城釀（Citibrew HK）
睇個名就知，依個品牌以香港為基地，特別之處莫過於佢哋會喺釀酒過程中加入亞洲食材同香料，製成富香港特色嘅手工啤。例如加入咗廿四味嘅手工啤酒「廿四味IPA」，就真係非常有諗頭！新人可以放喺婚禮比客人試，試完一定永世難忘你哋個婚宴！
2. 五味雜陳
依間香港釀酒品牌以西方調酒概念結合中式草本，釀製出十分獨特嘅利口酒（liqueur，又稱力嬌酒）！利口酒係一種烈酒為基礎加草本、香料、花果、堅果等味道而成嘅酒，通常酒體濃稠，味道就帶甜味或苦味，可以單飲或者調酒。如果大家預算有多，用嚟做回禮每人一支都好適合！
3. Two Moons Distillery
Two Moons Distillery擁香港首間開放式蒸餾廠，佢哋採用傳統一次性蒸餾法，每日生產量僅100支左右，重質不重量！推介佢哋Signature Dry Gin比各位新人，材料高質來自世界各地，屬於層次好豐富嘅Gin，入口時口感順滑，仲有堅果、雲尼拿之類嘅香味，就算係女賓客都輕易入口！
圖片及資料來源：citibrewhk、magnolialab.hk、twomoonsdistillery@Instagram
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
