一份有心思又實用嘅婚禮回禮，可以表達到新人對賓客嘅感謝，更同時表現到新人們嘅個人品味！今日小編就搵咗3間本地小店推薦比大家，佢哋都有提供與別不同嘅結婚小回禮，真係睇完之後自己都想買返屋企！
小確幸（天然手工護膚品）
依間本地小店主打天然手工護膚品，婚禮回禮選擇非常多，例如潤唇膏、潤手霜、香水膏等，全部都非常實用！而且所有產品成份天然，適合大部分人嘅膚質。最吸引嘅位，仲有產品客製化部分，你可以喺婚禮回禮上面寫上新人名字同Big-Day日期，咁就全世界都記得你哋嘅大日子啦！
Jam Story果醬二三事（天然手工果醬）
近幾年天然手工嘅小物真係好受歡迎！依間專做果醬嘅小店來頭唔細㗎，佢嘅Made in Hong Kong全天然手工果醬原來攞過唔少獎，例如「2020世界柑橘果醬大賽3金1銀1銅獎項」同埋「2019世界柑橘果醬大賽3金1銀獎項」。
要送人當然要送最好，建議大家揀小店嘅獲獎果醬「香橙熱情果果醬 Orange Passionfruit Marmalade」！依款果醬採用越南熱情果及澳洲優質甜橙製作，帶有香橙果皮，果香超香濃，用嚟配合肉類及魚肉都好match！
Passionature（多肉植物）
如果你係山系男女孩，咁依個選擇應該好啱你哋。本地小店Passionature提供多肉植物回禮，可以喺盆栽寫上客製化文字，新人名字、Big-Day日期或者幸福句子都得！
順帶一提，其實依家都幾多人會揀多肉植物做婚禮回禮，例如台灣男歌手林宥嘉，婚禮回禮就係易養又好睇嘅多肉植物！
圖片及資料來源：小確幸、Jam Story果醬二三事、Passionature
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
