【#婚禮實用資訊】森林花草系設計好高貴優雅！9款外國大熱婚禮皇冠款式！一定有一款啱你口味！

結婚一生人一次，新娘子梗係要有咁靚著咁靚！除咗一件心水婚紗之外，其實新娘子可以考慮搭配婚禮皇冠！一戴咗上頭，整個優雅感同華麗感都會隨之upgrade！今日小編就帶大家睇下外國大熱婚禮皇冠款式，一定有一款啱你口味！

森林花草系婚禮皇冠

歐美好多時都會舉行戶外婚禮，所以森林花草系嘅婚禮皇冠都好受歡迎～其實香港近年都愈來愈多戶外婚禮場地，所以本地新娘子都可以選擇以花草造型為主題嘅皇冠～

花草皇冠多數採用金色幼身線條，再配上純白色婚紗，成個感覺立即顯得非常典雅！

珠寶水晶主調婚禮皇冠

如果你從小就有個公主夢，咁採用咗大量珠寶及水晶嘅婚禮皇冠就好適合你！一戴上超有公主華麗又高雅嘅霸氣！

其實唔少婚禮皇冠都有配埋其他飾品，例如同一個設計概念嘅耳環、手飾等等～

粉色系婚禮皇冠

可能大家會有個錯覺，以為婚禮皇冠只可以金色或銀色，但其實有好多其他色調可以揀！例如外國大熱嘅水晶粉同珠寶粉藍，高貴中帶點女性獨有嘅可愛感～

如果想要粉色系嘅婚禮皇冠，不妨大膽啲，揀啲造型設計比較誇張嘅款，效果好唔錯㗎！

仲想睇多啲婚禮籌備懶人包嘅文章？快啲Click入嚟睇啦！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/