2021年12月21日 22:32:14
講起「波希米亞風」，大家第一時間會諗起「印第安羽毛」、「民族刺繡」、「流蘇」等波希米亞風格經典元素，而以上提及嘅各種特色，其實都可以完美融入一場波希米亞風婚禮！整體佈置唔多講，因為太多人講過，今日小編要介紹嘅係好少人留意到、而又能夠加強整個婚禮嘅波希米亞風味嘅必備物品！
1. 婚禮拱門（Wedding Arches）
拱門寓意「開始」、「新生活」，所以一定唔可以隨便設計！可能好多人印象中嘅婚禮拱門，都係西式婚禮中最常見嘅花草style，但其實波希米亞風拱門都好受歡迎！透過木材、羽毛以及各種自然物件嘅搭建，整體感覺簡約卻不失隆重！
2. 捕夢網（Dreamcatcher）
相信好多女士們都知道咩係捕夢網，其實喺婚禮場地用捕夢網裝飾，除咗靚之外仲好有意義！因為喺印第安人文化入面，捕夢網有防止發噩夢嘅功效，掛上捕夢網就可以捉住好夢，而婚禮佈置上用到捕夢網，就如祝福所有人都擁有好運氣！
3. 捧花（Bonquet）
建議唔好用太多鮮色嘅花，取幾朵做點綴就夠，反而用多少少綠葉或稻米色花草做主調，再加上布料做手握位，整體超有波希米亞風格！
圖片來源：Pinterest
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
