以往嘅新人都偏向喜歡華麗風pre-wedding相片，要影到新娘新郎都好似電影主角咁，話晒一生人一次嘛！不過隨住90後開始步入適婚年紀，年輕新一代要求亦慢慢轉變，影出嚟要好睇就唔使講，仲一定要加入唔少新潮元素！今日小編就邀請咗Monalisa Bridal Salon提供11個結婚相元素提案，比各位新人參考參考～
1. 小清新
近幾年無論係衣著上或者係流行小物，都走向小清新風格～搵個藍天白雲加有海景嘅場地，輕易就可以拍出好似日本電影入面嘅小清新照片！記得當日打扮都好重要，偏粉嫩色系嘅單品都係好選擇，例如圖中女孩嘅粉藍色one-piece～
氣球同埋草帽都係必備拍照item！通常有道具揸手，會比較易拍出自然又靚嘅照片～
2. 邁阿密風
雖然依家冇得去外國影結婚相，但其實香港唔少地方都可以拍出外國感！屯赤隧道附近嘅浩和街有「港版邁阿密」之稱，如果遇上有陽光嘅好天氣，影出嚟嘅相真係會好似去咗邁阿密～特別係超有異國風情嘅棕櫚樹，一定要企喺前面影張全景相！
從Monalisa Bridal Salon提供嘅照片可以睇到，佢哋團隊真係有用心喺每一張照片上面。照片結構、拍攝手法等都完美配合到現場環境優點，最重要係帶出新人最自然最美麗嘅一面！
3. 夜城
跟住推介嘅兩個結婚相元素提案，都同香港城景有關。首先係好型格嘅香港城市夜景！大家都知香港人係夜貓，所以就算到凌晨，全條街都一定會有燈開咗，依個景真係好有香港特色～依個時候亦係拍夜城元素結婚相嘅好時機，除咗自帶超有氣氛燈光之外，重點係周圍都冇咩人，輕易就影到靚相！
4. 香港街景
影完夜城，咁當然要影埋日頭啦！如果想要多啲嘅香港特色，咁新人們一定要揀港島區嘅街景。電車景、充滿英式風格嘅建築物等等，全部都係好受90後新人歡迎嘅結婚照場景～
5. 湖景秋色
如果你哋係鍾意大自然多過城市嘅新人，咁我哋就去返大自然景啦～相中嘅地方係秋季嘅粉嶺流水響，每年11月尾至1月左右，果到嘅落羽杉都會開始變色成紅葉，加埋絕美水塘景致，喺到影結婚相真心一流！
建議大家衣著上可以參考下圖新人，男士可以揀大地色系西裝，同整個環境都好match；而女士就可以選擇輕便啲嘅禮服款，因為果到會有水景，著得易走動啲會方便好多。
6. 日落美景
講到大自然景，當然唔少得日落美景，基本上就係每對新人都必影嘅結婚相元素～可能大家覺得日落結婚相影嚟影去都差唔多，但小編話你知其實唔係！例如Monalisa Bridal Salon提供嘅日落美景照，每張都用咗唔同構圖及拍攝手法，去帶出一個又一個新感覺、新風格！
7. 海天一色
影結婚相其中一個重要因素，一定一定要數到「天氣」！如果攝影當日遇上絕好天氣，咁就一定要影海天一色結婚相！藍天白雲加上Tiffany Blue海景，就好似一張用咗漸層手法繪畫嘅圖畫咁靚！
海旁位置影出嚟嘅相都有好氣氛，好似影緊《那些年，我們一起追的女孩》電影poster！
8. 清新原野系
香港地少人多，不過就勝在交通方便同郊野面積佔地多，好易就可以搵到原野景色影結婚相。影依類嘅相都建議新人著大地色系或者白色系嘅衫，咁先同返個環境match到～另外可以準備白色花為主嘅小花球做拍攝道具，同原野景色十分夾！
9. 香港天空之城
唔好以為郊野只有花花草草，香港嘅郊野地段有唔少隱藏秘景，例如圖中嘅西貢企嶺下水浪窩。依個地方有一座被藤蔓纏繞嘅神秘石堡，超似宮崎駿世界嘅天空之城！鍾意神秘感嘅新人可以選擇去依到影結婚相喔～
10. 歐式花園建築
只要細心搵，香港都有好多充滿外國風嘅攝影場地，要影到歐式花園建築結婚照真心唔難～講起歐式花園就會諗起貴婦下午茶！新人可以準備平時去野餐嘅用品做攝影道具，例如野餐盒、枱布、杯杯碟碟等～
11. 特色懷舊風
懷舊風或者老舊場地唔一定outdated，只要攝影師同攝影團隊夠專業、拍攝技巧好，都可以拍出令新人滿意嘅型格結婚相！
衣著方便建議新人著得較典雅同正式～影完之後睇返啲相，你哋會覺得好似拍緊穿越劇，自己做咗入面嘅男女主角！
如果想睇更多Monalisa Bridal Salon嘅作品或者資訊，可以參考以下連結。
www.bespoke-wedding.com/merchant/id/21315－蒙娜麗莎－Monalisa＿Bridal＿Salon-評價－好唔好
鳴謝圖片及資訊提供：Monalisa Bridal Salon
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
