2022年01月05日 00:19:12
各位準新娘pre-wedding或者big-day時,一定要以最好姿態出現,所以事先保養真係非常非常之重要!不過大家好多時淨係掛住塊面,同埋瘋狂減磅,但就忽略咗一個都好關鍵嘅部位:背部!好多婚紗同晚禮服都係露背設計,如果你背部勁多粒粒或者好暗啞,其實真心好礙眼⋯今日小編就搵咗5個背部保養Tips比大家!
1.背部護理項目非常多
如果妳本來背部就多粒粒,就記得做去印同定期去角質,一個月左右就會見到明顯效果~另外要注意,若然準新娘毛髮較旺盛,背部脫毛都係must-do!
2.唔好過度清潔
所有事做得太超過都唔好~例如過度去角質或者刻意大力擦背,都會令背部肌膚變得粗糙!正常情況下,兩至三星期去一次角質就差唔多。
3.用過熱沖涼水
沖涼水溫太熱,其實對整個身體肌膚都唔好㗎~順帶一提,沖涼時用嘅清潔產品,最好揀唔會刺激到皮膚嘅中性或弱酸種類。
4. 避免礦物油成分護背產品
剛用完含礦物油成分嘅護背產品,例如身體乳液,當下的確會有種「背部變滑」嘅感覺⋯但其實長久使用,好易令毛孔閉塞!
5. 急救粒粒背部方法
如果情況唔係超級嚴重,可以試試用10ml左右蘆薈膠加2至3滴茶樹精油,然後敷背約10分鐘,有效幫助平衡油脂同消滅粒粒!但情況太嚴重就要搵皮膚科醫生幫手啦!
✨籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/