2022年01月10日 10:19:45
婚紗揀好之後,就到都好重要嘅婚禮穿搭配件「婚鞋」!如果妳預算比較多,咁可以揀啲常見品牌,例如Christian Louboutin、Jimmy Choo等等。不過最近唔少外國小眾品牌都好受歡迎,好似今日小編準備介紹嘅英國奢華婚鞋品牌「Emmy London」!
英國設計師創立品牌Emmy London
Emmy London由英國設計師Emmy Scarterfield所創立,整個品牌走簡約復古路線,非常有英倫風味!妳會見到好多絲綢緞帶元素,感覺超唯美!
而且Emmy London每一對婚鞋,底部都會鑲嵌咗一粒水晶,所以大家一望就知對鞋係來自邊個品牌或者設計師之手。辨識度相當高!
採用西班牙及義大利優質皮革製成
設計師Emmy Scarterfield希望新娘著起婚鞋,都可以感到舒適而且充滿自信,所以連皮革選購都好有質素!採用來自西班牙同義大利嘅優質皮革,好處就係可以減少磨腳情況,對於要走一整日嘅新娘嚟講,真係非常吸引!
大家唔使驚買唔到~因為Emmy London嘅婚鞋款式都可以喺官網購買!好多款嘅價錢都係大概港幣4000至港幣6000,唔算太貴!而且依家買滿港幣1800,就可以免運費!好抵!
圖片及資料來源:Emmy London
✨籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/