【#結婚小知識學堂】唔好做送禮勤！親友易犯錯3個送禮比新人禁忌！原來唔可以送刀具？！

除咗出席婚宴封人情之外，比較熟嘅親朋好友都會同時送禮，但係送禮比新人其實都有唔少地雷位！今日小編就揀咗3個比較易犯錯嘅送禮比新人禁忌，等大家揀禮物嘅時候可以參考下！始終喜慶日子，唔小心搞到場面尷尬就麻煩啦～

1. 唔好送單數金飾

俗語有話「好事成雙」，如果想送金飾比新人，記得最好唔好送單數啊～因為雙數代表「一雙一對」，先好意頭！雖然依家嘅年輕新人都唔太介意，但係有長輩在場嘅時候，都係避忌少少好～

2. 避開黑灰顏色

顏色都係一大送禮比新人地雷！喜慶日子都係揀紅色或者紫色，大紅大紫吖嘛！如果新人唔太喜歡大紅大紫，都記得要避開黑色同灰色嘅禮物～小編甚至聽過有長輩唔比新人用綠色衣飾，因為怕戴綠帽喎⋯

3. 忌送刀具

通常結婚都會搬出去住，為咗減輕新人財政上嘅負擔，唔少人都會送餐具或者廚具比新人。不過最好唔好送刀具啦，因為有「一刀兩斷」嘅意思，唔好意頭啊！送下氣炸鍋或靚靚仔仔嘅餐具組，都係好好嘅選擇！

仲想睇多啲婚禮籌備懶人包嘅文章？快啲Click入嚟睇啦！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/