【#新娘子髮型資訊】教妳選擇最適合自己嘅造型！細軟髮vs粗硬髮命定新娘髮型！細軟髮都可以有髮量豐富嘅視覺效果！

新娘子影婚照同big-day當日嘅髮型都超超超重要！如果唔同造型師事先好好商討，真心好易出事，因為每個人天生嘅髮質及髮量都唔同，喺人哋身上靚嘅髮型，可能喺自己身上就係另一回事⋯今日小編就同大家分享下，細軟髮 vs 粗硬髮到底各自有咩命定新娘髮型！

推薦細軟髮新娘子：低盤系髮型

唔少女人髮質較柔軟，頭皮一出汗或者出油，頭髮就好易貼喺頭皮上面，視覺上唔太好睇⋯建議大家避開高盤系髮型，因為咁樣會突顯出髮質細軟嘅缺點！

細軟髮新娘子可以考慮簡約又自然嘅低盤系髮型，利用離子夾將頭髮蓬鬆度大大提升，到時唔使髮片都可以營造髮量豐富嘅視覺效果！再加上簡約設計嘅頭飾就perfect啦！

推薦粗硬髮新娘子：百變馬尾髮型

雖然髮質粗硬比較方便塑形，但就好易令頭髮顯得毛躁，望落一啲光澤都冇⋯依樣就唯有婚前好好做頭髮護理，仲有救的！

粗硬髮新娘子其實最好唔好set太誇張嘅髮型，因為睇落個頭會變到好大⋯建議可以嘗試造型百變嘅馬尾髮型，例如簡單喺髮尾加少少捲度，或者綁側邊低馬尾，再加上頭飾就已經勁靚！

仲想睇多啲婚禮籌備懶人包嘅文章？快啲Click入嚟睇啦！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/