2022年02月07日 22:23:06
如果你有參加過日本朋友嘅婚禮，你會發現佢哋嘅結婚蛋糕都非常華麗，因為好多日本人big-day時都會有「結婚蛋糕入刀儀式」，所以一個搶眼嘅結婚蛋糕都顯得好重要！咁到底依個係咩儀式呢？
「結婚蛋糕入刀儀式」即係新娘新郎要一齊切結婚蛋糕，然後兩人會分切兼分送比所有賓客，依個儀式亦代表「將兩人嘅幸福分享比大家」，以及意味「兩人從今日起將攜手邁向未來」。真係好浪漫啊～～雖然香港冇依個儀式，但我哋都可以參考下日本人嘅結婚蛋糕造型！
3款日本人氣結婚蛋糕
花系結婚蛋糕
講到婚禮最常用嘅裝飾，就一定唔可以唔提花朵～日本嘅結婚蛋糕好多都利用咗各種花材去設計，一加咗花喺結婚蛋糕到，整個感覺立即變得超唯美！
誇張水果結婚蛋糕
水果結婚蛋糕喺香港見得多，但係日本婚禮嘅水果結婚就誇張100倍！用上勁多水果去整，視覺效果超好！不過日本水果咁好味又新鮮，用多啲都啱㗎喇～
新潮結婚蛋糕
除咗傳統派結婚蛋糕，日本人喜歡搞搞新意思，例如整個donuts結婚蛋糕或者cupcake結婚蛋糕都好吸睛！而且分派嘅時候仲好方便添～
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
