2022年02月28日 16:13:30
韓國經常有好多減肥法流傳,最近有個聲稱可以減到8kg嘅「新娘減肥法」吸引到唔少人注意,今日小編就同大家一齊研究下!不過提醒一下各位準新娘,如果減肥途中覺得身體唔舒服,就唔好勉強啦,身體健康最重要啊!
結婚前三個月 - 慢慢養成做運動習慣
想減肥成功一定唔少得做運動!如果時間許可,最好一星期做到三次運動。建議大家揀簡單運動做,例如瑜珈、游水等等,因為咁樣可以令身體慢慢適應新嘅生活習慣。
結婚前兩個月 - 嘗試減少澱粉及糖分吸收
由於進行咗一段時間規律運動,身體代謝一定會提升,依個時候可以開始嘗試減少吸收澱粉及糖分,例如可以試下慢慢將白飯、麵食之類嘅碳水化合物改做沙律。同埋記得要同含糖飲料講bye-bye啊!
結婚前一個月 - 戒鹽、飲水減肥法
就快到bigday啦!建議新娘子喺減肥日程中,加入韓國女星IU嘅飲水減肥法!每日飲4-5L水,分10次飲,每次500ml。直到婚禮前三日開始戒鹽,婚禮前一晚、睡前兩小時停止攝取水分同唔好再進食,依個時候身體會慢慢排出多餘水分,連帶水腫問題都會解決!
✨籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/