【#日本婚界資訊】原來婚戒可以咁樣用？！3個日本新人間超受歡迎結婚照拍法！香港新人快啲參考下啦！

如果講軟實力同創造力，日本認第二都應該冇人敢認第一！今日小編就帶大家睇下近期喺日本新人之間，好受歡迎嘅結婚照拍法～唯美風又有、加入潮流元素又有，甚至連搞笑版婚照都有！香港新人快啲參考下啦！

新人比婚戒框住原來可以影得咁靚？！

首先揀個構圖簡潔啲嘅背景，例如海景或者日落，然後準備好婚戒；攝影師調整好位置，視覺上將新人框喺婚戒入面，就可以造出遠景新人樣貌清晰、近景婚戒朦朧嘅特別效果。個感覺就好似婚戒代表婚姻，入面就只有幸福嘅兩人～好浪漫！

日本人超鍾意玩Instagram？！

除咗TikTok之外，其實好多日本人都會玩Instagram～有日本新人會預備迷你IG框框打卡神器，上面寫住同婚禮有關嘅hashtag或者結婚日期／紀念日做like數，再去影婚照！真係幾可愛～

或者影完婚照，可以做成IG造型嘅鎖匙扣，都非常有紀念價值！

完美發揮自己嘅搞笑能力啦！

婚照唔一定要走唯美路線，影啲搞笑玩味相其實都唔錯！睇下圖中嘅日本新人，係咪即刻覺得老公有啲慘呢⋯

仲想睇多啲婚禮籌備懶人包嘅文章？快啲Click入嚟睇啦！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/