2022年03月10日 00:27:00
華人社會就最鍾意講傳統，結婚咁大件事就當然有好多大大小小嘅嘢要注意啦！今日就同大家講下嫁女餅／喜餅嘅3個民間禁忌，不過講明先，習俗喺唔同地方都有唔同講法，新人們可以參考下，但唔好太過在意！
1. 準新娘唔可以食訂婚喜餅
有好多地方嘅人都相信，如果準新娘食咗自己嘅訂婚喜餅，就等於將自己嘅喜氣食咗！另外都有人話，新人結婚四個月內都唔可以食喜餅，因為驚沖喜對新人唔好。
2. 準新娘父母離異有特別規則遵守？
某啲地方喺傳統上認為，如果準新娘嘅父母已經離異或者亡故，準新娘出門時就要帶上中式蛋糕、合桃酥等去男家到，寓意增添福氣。不過就一定唔可以帶其他喜餅出門，如果唔係就有不祥之意！
3. 準新娘唔可以食男方送嚟嘅喜餅
如果準新娘食咗男方送嚟嘅喜餅，傳聞日後就會變得厚臉皮又好食懶做！雖然聽落好似唔係太信得過，但如果家中長輩相信，大家最好都係乖乖聽話啦～
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
