精選網誌

【#婚禮實用資訊】所有歌都充滿愛同正能量!精選6首迪士尼婚禮用歌曲!由迎賓歌到送客歌都有!

Back to top

2022年03月14日 22:38:48

精選6首迪士尼婚禮用歌曲

如果要揀最有夢幻感覺嘅婚禮用歌,咁一定非迪士尼歌曲莫屬!本身迪士尼樂園就係大人細路嘅夢想世界,基本上所有歌都係充滿愛同正能量,同婚禮比人嘅感覺perfect match!今日小編就精選咗6首適合婚禮時用嘅迪士尼歌曲,希望大家可以參考參考!

1.《美女與野獸》 - Be Our Guest

睇歌名都知,《美女與野獸》依首插曲係用嚟迎賓啦!首歌一路重覆"Be our guest! Be our guest!",英文幾差都聽得明啊!

 

2.《魔法奇緣》 - I See The Light

魔法奇緣即係迪士尼長髮公主嘅故事~依首歌講述自從遇見對方之後,彼此嘅人生都完全改變,根本就係形容緊新娘新郎啊!非常適合喺進場時播~

3.《冰雪奇緣》 - Love Is an Open Door

Anna公主活潑可愛,佢同男朋友嘅對唱歌曲,當然都係行俏皮又甜蜜嘅路線啦~如果新娘新郎歌喉好,可以喺新人歌唱表演環節唱~

4.《阿拉丁》 - A Whole New World

見到阿拉丁同茉莉公主一齊坐住魔毯飛上天,真係隔住個音響都feel到種浪漫!依首歌亦代表新人攜手創造全新美好未來,好有意思!

5.《沖天救兵》 - Married Life

有睇過《沖天救兵》嘅人一定知,故事中嘅老伯伯超深愛佢老婆~雖然依首歌係純音樂,但係聽落就係有種平淡幸福嘅感覺啊~

6.《小美人魚》 - Under the Sea

依首歌係龍蝦先生唱比小美人魚聽,叫佢唔好愛上人類!但係小美人魚眼中只有王子啊~愛情至上!大家可以送客嘅時候播,順便鼓勵一下單身嘅來賓!

 

仲想睇多啲婚禮籌備懶人包嘅文章?快啲Click入嚟睇啦!
weddingplanner

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/

gif