2022年03月27日 16:54:57
唔知點解好多亞洲女性都會追求纖瘦身形,好多新娘子big-day前都會努力減磅,希望到時著衫會靚啲~但其實外國唔少人都已經放棄追求過瘦嘅身形,轉向學識欣賞自己健康嘅體態美。喺婚紗領域上,愈嚟愈多品牌推出棉花糖女孩專屬嘅婚紗同禮服,希望唔同身材嘅新娘子都有更多選擇!今日小編就推薦幾款婚紗,係適合棉花糖女孩著㗎啦!
1. 露肩婚紗
好多時棉花糖女孩都會覺得,只要著多啲布就可以遮到多肉嘅部位,但其實依個諗法唔一定正確。有少少肉嘅女性著露肩婚紗都可以好靚!只要揀啱款就得,例如胸前同手臂採用大量蕾絲設計,可以修飾身形之外,仲好有細節感!
2. 長袖婚紗
如果妳都係唔想太暴露,咁或者可以考慮一下長袖婚紗~低調奢華嘅感覺,令新娘子著完之後氣質立即提升!唔好以為棉花糖女孩唔適合著長袖婚紗,咁係錯㗎!只要揀透明材質同蕾絲設計,就算係肉肉女都可以著得好好睇!
3. 深藍色禮服
除咗款式之外,禮服嘅顏色都好重要!深藍色系嘅禮服或婚紗,喺視覺上有修身嘅效果,而且仲比人一種高貴大方感!最後提一提大家,唔好以為搵披肩遮手臂有用,因為只要愈遮愈大份!
✨籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/