2022年04月30日 21:54:26

5大big-day & pre-wedding常見搞笑中伏位！

等到頸都長，終於等到香港放寬防疫措施啦！相信唔少準新人都急不及待想著手預備婚禮大小事，但興奮還興奮，記得有好多細位要注意！今次我哋 Bespoke Wedding 婚享會又好厚面皮咁搵咗香港Top10婚禮攝影師 Jason Pang 以及佢嘅專業團隊 Jason Pang Gallery ，去講比大家知big-day當日同pre-wedding會遇見嘅5大搞笑中伏位！

（在此恭喜 Jason Pang Gallery 喺「Bespoke Wedding 婚享會 2021優質服務大賞 Bespoke Bridal Award」獲得「傑出榮譽大獎 Honor Of Distinction - Big Day Photography」！）

【big-day篇】

1. 攞漏野系列

婚禮當日一定超忙，攞漏野真係閒事，但係都要睇下你攞漏咩～如果係利是封之類可以即時買嘅東西都事少，唔記得攞花球或者婚紗就真係伏中之伏！唔好以為小編誇大啊，Jason佢哋真係見過！

5大big-day & pre-wedding常見搞笑中伏位！

Jason同佢嘅團隊建議大家可以搵幾個紅白藍膠袋，每一個上面寫上記號，例如入面裝咗咩嘢；跟住就每一個兄弟負責一個袋，咁就萬無一失啦！

2. Rundown出事系列

準新人婚禮當日固然係最重要主角，但其實雙方父母同兄弟姐妹團都重要㗎～而朝早喺屋企果個時間，其實係準新人全日唯一一個時間同家人、兄弟姐妹團有深入交流嘅機會～Jason同佢嘅團隊好重視依個moment，因為會有好多好多準新人同身邊親友互動嘅珍貴場面，依個時候當然要ready鏡頭啦！

5大big-day & pre-wedding常見搞笑中伏位！

講到依個時候嘅伏位就多囉～首先化妝師好易遲咗交人，咁拍攝團隊影相嘅時候當然隨之減少⋯所以Jason同佢嘅團隊建議，準新人喺屋企環節至少預45分鐘，比拍攝團隊影低妝身、同家人姐妹互動嘅場面～

5大big-day & pre-wedding常見搞笑中伏位！

第二個伏位就係，有新人為咗節省開支，會揀「1P 1V」嘅婚禮package（即係1個相片攝影師、1個影片攝影）～但其實咁樣好易miss咗好多珍貴畫面㗎⋯其實依家大多數都係行「2P 1V」，好似 Jason Pang Gallery 團隊咁，主攝影師負責帶氣氛、影比較正經嘅相，而另一位攝影師就負責捕捉漏網之魚，有時成個婚禮最touching嘅相都係依個攝影師影到添！

5大big-day & pre-wedding常見搞笑中伏位！

3. Group photo漏影系列

Jason同佢嘅團隊強烈建議影group photo都要有rundown！人哋專程去你嘅婚禮祝賀你，點可以唔影相留念就走呢？好多時賓客比較內向，唔嗌佢哋就真係唔出去影相⋯所以大家記得記得要寫低group photo rundown啊，至於有咩tips，小編有幫大家問過，但係Jason話要你哋自己去問佢，因為每對新人嘅情況都唔一樣，教錯就唔好啦～

【pre-wedding篇】

4. 揀錯日子人山人海超伏！

無論喺香港定海外，星期五六日永遠都係處於人山人海嘅超伏狀態，情況就好似假日嘅長洲一樣咁誇張！所以記得要揀平日拍攝，即係星期一至四嘅日子～你都唔想張張婚紗照背景都係陌生人㗎？

Jason同佢嘅團隊順帶提一提大家，揀婚攝地點要夠「多元化」！簡單嚟講，就係一個景點有多個場景可以拍擇～好似西環泳棚咁得一個位置影，雖然景靚，但一人多就好易中伏囉～

5大big-day & pre-wedding常見搞笑中伏位！

5. big-day前幾耐要影pre-wedding？

基本上每年9月至12月都係結婚旺季，真心爭崩頭先搵到婚攝，所以預早book係好緊要！Jason同佢嘅團隊建議大家big-day前半年或半年以上就要影pre-wedding，本身夾時間已經難，要加上如果天氣突然有變，改期就難免，所以預半年其實好make sense～不過提提大家，唔係間間婚攝都肯免費改期，大家要留意啊！（當然 Jason Pang Gallery 係免費呵呵～）

5大big-day & pre-wedding常見搞笑中伏位！