香港人做所有事都爭分奪秒，低成本高效率係最重要！當然影pre-wedding都係啦～今日小編就整理咗大嶼山周邊嘅婚攝地點資料，只需要一日，就可以影晒咁多個地方！Let’s Go！
感謝專業婚攝團隊 France Bridal Salon 提供資訊及照片
Check Point 1：大澳
想影靚相就要犧牲睡眠，唔該一大早起身就入大澳先～大家都知大澳係本地人假日熱門玩樂景點，愈遲去、人流就愈多⋯除非你想好多陌生人入鏡～
首推大澳人氣打卡位「彩色漁村壁畫」！超有藝術感嘅作畫，隨意喺前面擺pose已經好有感覺！另外當然唔少得大澳兩岸棚屋，以及有絕美藍天白雲做背景嘅大涌橋～
Check Point 2：貝澳
影完大澳我哋可以一路向東，嚟到另一個遊玩聖地貝澳～嚟到依到，點都要影人氣打卡位鄉村風小木屋，個感覺就好似去咗外國鄉郊咁～而且現場仲有好多可愛牛牛做影相props！
原來除咗小木屋，貝澳仲有個少人、但係又大又靚嘅沙灘！著住長身純白婚紗同新郎喺沙灘漫步，真係好好好好好浪漫啊～
Check Point 3：迪士尼
如果資金足夠，建議大家當晚可以預約迪士尼酒店住一晚～因為除咗迪欣湖好好影之外，迪士尼唔同嘅主題酒店都好多婚攝靚位！整個感覺好似去咗歐洲大宅咁，而新郎新娘就係王子公主～而且拍完一日咁攰，如果有得直接喺酒店休息都幾開心！
如果大家想知更多大嶼山婚攝資訊，或者希望得到專業意見，都可以聯絡專業婚攝團隊 France Bridal Salon～
France Bridal Salon
地址：九龍塘窩打老道159號
聯絡電話：6900 2021／2338 0023
http://www.francebridal.com
https://www.facebook.com/francebridalsalon
https://www.instagram.com/francebridalhk/
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
