精選網誌

【#婚禮Tips】原來婚鞋都要預先多著?5個婚宴前易忽略重要小細節!婚禮當日行李帶咩好?

Back to top

2022年06月14日 23:40:01

5個婚宴前易忽略重要小細節!

舉行婚宴前一個月,相信各位新人都會超級忙,又要確定當日流程、賓客人數、安排兄弟姐妹工作崗位等等~但係有啲小細節重要得嚟,唔知點解新人好易忽略!今次 Bespoke Wedding 婚享會就精選咗幾個婚前注意事項比大家參考參考!

1. 練習誓詞

好多人以為寫完稿就萬無一失,最多就到時望住讀~小編提醒新人們唔好咁「老定」,因為到時要喺咁多賓客面前演講,一定會好緊張!所以建議大家要多多練習,免得到時出醜比大家笑啊!

5個婚宴前易忽略重要小細節!

2. 試著鞋子

為咗靚,新娘新郎通常都會為咗婚禮買新鞋,但係當中有個陷阱大家要留意啊!婚禮當日幾乎要企足全日,新鞋好易著到唔舒服,所以最好婚禮前喺屋企試著一段時間,等雙腳習慣下先~

5個婚宴前易忽略重要小細節!

 

3. 婚禮當日行李

如果婚禮前後預訂咗酒店住宿,記得帶換洗衣物、毛巾或者其他自己每日要用嘅常用品~有時忙起上嚟,真係會唔記得,你都唔想著住婚紗瞓覺㗎?另外可以帶個應急包,入面放止痛藥、膠布、化妝品等等,以備不時之需~

5個婚宴前易忽略重要小細節!

4. 留意天氣報告

室內婚宴就冇咩大問題,但如果係戶外婚宴,就記得記得要再三確認婚禮當日天氣!如果真係唔好彩落雨,都可以行後備方案~

5. 充足睡眠

最後好重要,但好多人唔記得,就係要瞓夠啊!瞓唔夠個人會水腫、皮膚膚狀態都會差!無論係新娘定新郎,都要好好放鬆心情、唔好比自己太大壓力~enjoy your wedding party!

5個婚宴前易忽略重要小細節!

 

仲想睇多啲婚禮籌備懶人包嘅文章?快啲Click入嚟睇啦!
weddingplanner

籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/

gif