等完又等，終於等到其他國家開關！各位新人準備好外遊影pre-wedding未？！我哋 Bespoke Wedding 婚享會 今次聯同本地人氣婚攝團隊法國婚紗攝影整理咗8大人氣旅遊婚紗攝影地點同資訊比大家參考～如果仲係心大心細，記得要睇下我哋嘅建議啊！
人氣旅遊婚紗攝影地 - 亞洲篇
講到最受香港人歡迎嘅旅遊婚攝地點，就一定係大家嘅鄉下日本～一年四季都有非常多靚景比新人影pre-wedding，例如秋天可以去影紅葉、4月左右嘅時間就當然係夢幻櫻花景啦！
小編推介新人們去日本鳥取縣影婚照，果到嘅自然景觀同埋舊有建築都非常聞名，最重要係冇咩人知，夠晒特別！
如果鍾意小清新風格、預算又有限，咁台灣一定係你嘅首選～真心隨便一條街巷都佈滿濃厚文青氣息，打卡景點又周圍都係，唔驚冇景影，最怕太多你揀唔到！
人氣旅遊婚紗攝影地 - 西歐篇
首推法國巴黎，兩個字「浪漫」！無論喺巴黎鐵塔前面影，定係隨便一座充滿歷史感嘅歐式建築前影，都輕易拍出絕美歐風婚照！影完之後，仲可以安排去隔離意大利東北部名城威尼斯～果種世界少見嘅「水上之都」特別氛圍，真係好適合新人穿上盛裝晚禮服影相，完全唔會有唔協調嘅感覺！
人氣旅遊婚紗攝影地 - 其他歐洲國家
如果預算較多，可以逗留嘅時間又比較長，可以去埋瑞士影雪山同湖境！另外推薦前往地理位置尚算近嘅捷克布拉格，依座歐洲歷史名城有超多絕美婚攝景點，由舊城區、新城區影到城堡區都仲可以發現好多隱世靚景！
至於北歐呢，好似好少聽人去影婚攝，但其實近年多咗好多新人揀去冰島～佢擁有地球上最原始狀態嘅大自然景色，拍出嚟嘅震撼效果真心唔係其他地方可以相提並論⋯唔好以為叫「冰島」就淨係得冰川，冰島原來仲有火山景㗎！
人氣旅遊婚紗攝影地 - 歐亞篇
最後想推薦土耳其比大家～由於地理位置喺歐洲同亞洲中間，豐富嘅東西融合文化背景，令整個國家多咗份神秘獨特感～如果想影一充滿異國風情嘅pre-wedding，首推土耳其！
如果想知更多有關旅遊婚紗攝影地點嘅詳細資訊，歡迎大家聯絡今次協助我哋嘅專業婚攝團隊法國婚紗攝影 France Bridal Salon！
法國婚紗攝影 France Bridal Salon
聯絡電話：6900 2021 / 2338 0023
http://www.francebridal.com
https://www.facebook.com/francebridalsalon
https://www.instagram.com/francebridalhk/
感謝 法國婚紗攝影 France Bridal Salon 提供文章中照片
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
