2022年07月19日 18:51:33
伴娘同普通姐妹唔一樣，要負責嘅大小事都非常多！由前期準備、big-day當日到事後執手尾都好多細節要兼顧，一唔小心就會做漏！為免各位準伴娘／新手伴娘出錯，Bespoke小編就list咗6大伴娘必做事項比大家參考！
前期準備1 - 陪新娘揀婚紗
揀婚紗點都要其他人幫下眼，特別係做得伴娘，一定識咗好耐又熟知對方喜好～到時伴娘可以喺現場幫手從唔同角度拍照，比新娘睇下啲細節位，再適時比下意見咁～
前期準備2 - 設計接新娘關卡
點樣可以「留難」到新郎同兄弟，同時又唔會搞到場面尷尬，都真係幾難～所以事前真係要做足資料搜集同準備，搵啲較輕鬆又有效果嘅小遊戲！
big-day當日1 - 保管新娘衣物及私人物品
新娘係當日嘅主角，小事就留返比兩肋插刀嘅伴娘做啦！要整理好新娘替換衣物同埋隨身物品，如果有需要的話，禮金部分可能都要協助盤點～
big-day當日2 - 清楚流程及與所有負責人保持聯繫
全場一定要有人清楚整日流程，果個人非伴娘莫屬！而且伴娘要同所有負責人保持聯繫，例如主持人、攝影師、伴奏樂隊等等～新娘冇可能可以兼顧到咁多，所以伴娘真係要幫手做協調角色！
事後協助1 - 陪新娘送客
有去過婚禮嘅人應該都會見過，去到送客階段好多時都會頗混亂，因為各人離場時間都唔同～例如新人仲同賓客影緊相嘅時候，伴娘要注意有冇客人準備離開，有需要時可提供協助～
事後協助2 - 確認禮服及首飾數量
雖然做咗咁多嘢真係好攰，但最後記得要幫手盤點禮服同首飾，因為離場後想搵返就難啦～到時都唔知點樣賠比人⋯
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
