2022年07月23日 21:36:44
結婚之後要一齊搬入新居過新日子,但原來結婚新房嘅佈置都有傳統禁忌?!今日小編就整合咗5大新婚房佈置禁忌比大家參考,不過唔使太認真喔,始終都只係一路口耳相傳嘅習俗~
1. 全部床具都要用新
依個就最基本啦,始終結婚等於開展新生活,床具當然買新嘅就最好!而且記得要擇吉日安床,安置好之後唔可以空置,以免唔吉利~另外仲有一種說法係,結婚當日奶奶唔可以掂新床,避免之後會有婆媳糾紛~
2. 不宜放置太多鏡子
有時比較新潮嘅裝修,會放到全屋都係鏡,咁樣其實唔係太好~夜晚易嚇親之餘,聽講久而久之,新郎會有腎虛或腎虧等性功能障礙!
3. 床頭唔可以靠窗
以風水角度嚟睇,靠窗感覺唔踏實,會令人冇安全感,甚至經常疑神疑鬼!但又唔可以唔靠牆,因為「床後無靠山」,行房嘅時候容易有力不從心嘅情況出現⋯
4. 廁所唔可以對床角
講完男人就講女人,相傳新婚房入面嘅衛浴設備都唔可以對床角,如果唔係新娘會好易有婦女病!
5. 床下忌放置雜物
以風水角度嚟講,床下堆積雜物會影響氣場,睡眠品質都會因此受到影響~不過咁,就算唔係新婚,平時間房都要注意整潔啦!
✨籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/