2022年07月27日 22:11:19
可能有人覺得去婚禮其實有啲無聊，因為始終新人唔可以同時間迎接咁多位賓客⋯為免客人去到有被忽略嘅感覺，其實婚禮中間可以穿插各式各樣嘅小遊戲，令來賓有受歡迎同獲重視嘅喜悅！
1. 有獎問答遊戲
喺新人進場前、等上菜嘅時間，賓客好易會覺得肚餓又無聊～主持人依個時間可以同佢哋玩個有獎問答遊戲，內容同新人相關，例如知唔知新郎新娘幾時識、新娘平時叫新郎咩名等等～如果答中就可以得到小禮物一份！咁樣一定好多人搶住玩啊～
2. 刮刮卡
坊間有唔少刮刮卡種類可以買到，例如港人最熟悉嘅「Bingo」～新人可以將刮刮卡放定喺賓客嘅位置上，再叫主持人引導賓客一齊玩～當然啦，有時間就準備埋小禮物比中獎者！
3. 估新娘
新娘可以事先搵幾個女性朋友幫手做媒，到時請主持人叫新郎蒙眼，淨係靠摸手仔、問幾條問題去估邊個係新娘！現場大家一定好興奮！（或者新娘估老公都得～）
4. 現場Call In
首先準備好小禮物／小利是，然後主持人同所有賓客讀出一組電話號碼（可預先借用家人或姐妹兄弟手機），邊個最快打得通，果位客人就可以得到獎項！
小編溫馨提示！
1. 遊戲規則盡量簡單易明，以客人能參與及感到喜悅為主
2. 遊戲時間不宜過長，以免客人失去耐性
3. 獎勵懲罰不要太過份，大家亦要注意不能「玩過頭」
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
