想 pre-wedding 或者 Big-day 當日以最好形象示人?咁就一定要事前做足準備!新娘子前期要修身及做好保養皮膚,之後就要揀適合自己、富經驗又口碑好嘅化妝師~(想睇有咩選擇可以click依到)而今日 Bespoke 小編就嘔心瀝血地,整合咗多個新娘子可以做嘅養顏減肥方法比大家參考!
臉部保養
#用恆溫水洗臉
唔好用太熱或者太凍嘅水清洗臉部,因為咁樣會令到皮膚加速衰老!建議大家用恆溫清水洗臉,唔會刺激到皮膚吖嘛~
#選擇適合保養品
之前網上有唔少KOL都大推曼秀雷敦嘅「樂膚潔藥用暗瘡啫喱」,話治療暗瘡好有用!依家個個都要戴口罩,搞到經常生暗瘡、皮膚又出油出得好勁,所以選擇適合保養品係非常重要㗎!(貼心曼秀雷敦網站傳送門)
眼部保養
#使用蒸氣溫熱眼膜
用眼霜之類嘅方法大家都知,咁小編就唔多講~想推介大家使用「蒸氣溫熱眼膜」,可以令新娘子 Big-Day 前充份放鬆兼訓個靚覺,第二日對眼仔即刻變到勁 bling bling!香港最常見都係日本花王嘅蒸氣溫熱眼膜,除此之外讀者有冇咩推介?(貼心日本花王網站傳送門)
手部保養
#定時補hand cream
疫情下大家經常用酒精搓手液,加上洗手洗得多,雙手水分好易流失兼乾燥!Big-Day 當日交換介指,妳都唔想對手咁肉酸㗎⋯所以要多注意潤膚,定時補hand cream!
#減少指甲油傷害
都知大家貪靚,周不時都會去整甲,但 Big-Day 前就忍下啦!因為長久使用會對指甲有嚴重損害,大鑊啲仲可能導致指甲變色變形!
身體保養
#3個唔運動唔節食都減到肥嘅方法
人類都係懶惰的,所以小編搵咗幾個唔運動唔節食都減到肥嘅方法~首先係「欺騙大腦」科學性減肥方法,食飯前忍超過2分鐘唔食,咁大腦就會因為「聞夠」香氣而感到滿足,咁妳就唔會食太多啦!跟住係來自日本嘅「岩盤浴」傳統減肥方法,只要躺平40分鐘就可以舒緩排毒同加速血液循環,最重要係可以有做咗運動嘅效果!(貼心岩盤浴網站傳送門)
邊個話減肥唔可以食零食?如果妳表受到淡味嘅食物,可以揀自己鍾意嘅生果食~但如果妳係重味口痕嘅人,坊間都有唔少賣健康零食嘅品牌,連朱古力同糖都有!不過當然用料冇咁重手同比較健康啦~(貼心健康零食網站傳送門)
✨籌備婚禮由此囍✨全港最大的婚禮評語網站 Bespoke Wedding 婚享會,集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略: www.bespoke-wedding.com/