2022年09月04日 23:59:44
每個女仔都想擁有一生人一次完美無瑕嘅求婚～男士真係唔好諗住隨便應付！Bespoke 小編為咗各位嘅幸福，特別整合咗 4 個求婚必知 Tips 比男士們！嗱～袋錢入你哋袋啊！
1. 揀適合求婚日子
曾經聽過唔少失敗case，男方約女方去玩全日，最後再嚟個（自以為）浪漫求婚～但係唔該各位男士注意，女仔梗係想扮到靚靚咁比人求婚，玩咗全日身水身汗、妝又化埋，連帶影相都唔好睇！所以都係揀進行靜態活動嘅日子求婚會比較好～你有心機的話，可以預先同女朋友講去高級地方食大餐，叫佢預先扮靚啲！
2. 依據女友喜好揀地點
如果佢本身就好高調，咁你可以考慮邀請晒所有親朋好友去現場，仲要準備花同埋浪漫求婚誓言，咁佢一定好開心！不過女方係低調的話，可能會唔鍾意有咁多人，搞到尷尷尬尬咁⋯揀有紀念意義嘅地方會比較好喔～
3. 先探口風女友鍾意咩求婚戒指
最簡單嘅方法就係叫女友身邊嘅閨蜜幫手試探～記得要問求婚戒指喜好同埋手指尺寸啊，到時戴唔到上手真係咩氣氛都冇！如果你係細心嘅男朋友，相信平時已經知道對方嘅喜好啦？
4. 求婚花束禁忌
求婚花束當然都要依女友喜好啦，不過小心揀錯花！白玫瑰、白蓮花或者素花就千萬唔可以，因為佢哋都象徵懷念離世親人！最安全就當然係紅玫瑰啦，可謂萬年經典浪漫～另外象徵一生一世永不分離嘅繡球花，同埋象徵愛情純潔無瑕嘅百合都係唔錯嘅選擇！
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
