【#小清新婚禮】綠色植物 X 仙氣白布冇得輸！4個浪漫清新感爆登綠色系拱門設計！原來拱門係根據天上彩虹去設計？

依家嘅香港年輕新人都傾向走小清新風婚禮，大多利用植物、木質裝飾或者玻璃材質做場地佈置，貪影相夠靚，又可以展示自己嘅個人風格～當中好重要嘅一環就係「拱門」，佢其實係根據天上彩虹嘅印象而設計，當新人通過時，就象徵二人今後要一同過人生，背後意義好浪漫！除咗用花朵去設計拱門，其實都好多人採用簡約典雅嘅綠色植物，今日就等 Bespoke 小編同大家一齊睇下各款唯美綠色系拱門設計啦！

1. 綠色植物 X 木質拱門

最經典嘅配搭一定係「綠色植物 X 木質拱門」，浪漫清新感爆登！而且同白色婚紗好夾～建議新郎揀白色或者卡其色禮服，影相會好好睇～

2. 綠色植物 X 仙氣白布

通常整依款拱門都會喺戶外場地，加白布去做裝飾，當有微風吹來，白布就會隨風飄動；依個時候按下快門，一定會獲得超有仙氣嘅靚相！

3. 綠色植物就係拱門本身！

整拱門唔一定要有金屬框或者木框做支撐，綠色植物都可以做拱門本身！喺周邊加上白布或蠟燭等小擺設，就已經好有浪漫氣氛～

4. 新潮時尚綠色植物拱門

如果有時間又有 budget，可以再搞搞新意思～例如挑選少人用嘅亞熱帶植物、或者喺直接用植物做拱門都得！總之就盡情發揮你嘅小宇宙！

仲想睇多啲婚禮籌備懶人包嘅文章？快啲Click入嚟睇啦！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/