【#婚嫁禁忌】妹仔大過主人婆真係唔要得！3個絕對不能踩中姊妹團妝髮禁忌！竟然有姊妹會要求轉換造型？！

結婚有好多傳統禁忌，但原來喺身邊一整日嘅姊妹團都有好多細節要注意！今日Bespoke小編就列舉咗幾個「姊妹團妝髮禁忌」，等各位姊妹到時唔會踩地雷！

姊妹團妝髮禁忌一：唔好濃妝豔抹！

俗語都有講你知「妹仔大過主人婆」係好唔要得嘅行為！人哋大好日子，你就濃妝豔抹搶晒鏡，應該冇邊個新娘會唔介意。姊妹化妝只需要乾淨清麗、唔好失禮主人家就夠晒！

姊妹團妝髮禁忌二：唔好要求新娘化妝師補妝！

新娘化妝師就梗係要幫新娘化妝啦，做姊妹嘅唔可以只顧自己咁自私，叫新娘化妝師幫埋自己補妝！咁樣會嚴重影響新娘化妝流程，所以姊妹都係自己補返妝會較好～

姊妹團妝髮禁忌三：唔好轉換造型！

Bespoke小編曾經聽過行家講，有姊妹會要求轉換造型，日夜分別要有唔同妝髮！真係聽到人一額汗⋯當日除咗一對新人，其實所有人都係綠葉角色，人哋大婚日子就唔好搔擾到人啦！

仲想睇多啲婚禮籌備懶人包嘅文章？快啲Click入嚟睇啦！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/