2023年02月04日 00:06:53
每次去婚禮見到花仔花女，都覺得佢哋超萌超可愛！而一件靚靚花童服裝，喺婚禮中都唔可以被忽略！今日Bespoke小編就整合咗幾款好受歡迎嘅花女裙種類，由經典純白薄紗到特別色系嘅款式都有，希望可以比各位新人參考參考～
1. 經典純白薄紗花女裙
最可以突顯花女嘅純真同可愛，就一定係經典純白薄紗花女裙！小女孩著咗之後就好似天使一樣咁純潔～層層堆疊又細緻嘅薄紗華麗且優雅，另外配上花花圖案或者蝴蝶結元素都好match！
2. 特別色系花女裙
除咗白色之外，其實花女裙都有好多其他色系可以揀！例如甜美可愛嘅粉紅色，就最適合長相萌爆嘅小女孩～如果想行優雅路線，藍色系嘅花女裙都係唔錯嘅選擇～而且婚禮著完唔怕會浪費，簡約設計花女裙連平時去party都可以再著！
3. 簡約腰帶花女裙
一件簡簡單單嘅小禮服，加配唔同色調嘅腰帶就立即變得特別又優雅～白裙＋粉紅腰帶／香檳色腰帶都係熱門選擇！睇下～～花仔花女真係可愛到好似森林入面嘅小精靈！
仲想睇多啲婚禮籌備懶人包嘅文章？快啲Click入嚟睇啦！
✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/
