【#婚禮佈置】飲料擺設都可以令場地變靚靚？精選4個外國超流行婚禮場地佈置提案！自製Photo Booth都好似好好玩！

其實只要喺婚禮場地加入少少心思佈置，成個婚宴感覺都會即刻唔同晒！今日 Bespoke 小編就整合咗 4 個外國好流行嘅婚禮場地佈置提案，希望大家睇完之後可以諗到更多更好 ideas！

1. 自製 Photo Booth

雖然依家有唔少公司會提供 Photo Booth 服務，但如果你有時間的話，其實可以自己整返個！只要準備大量即影即有相紙，同埋一至兩部即影即有相機，賓客就可以自由拍照，同埋攞張相返去做紀念～甚至可以準備個位比賓客影完之後掛相上去，相信唔少朋友會影啲「古靈精怪相」，送個驚喜比新郎新娘！

2. 兒童專區

婚禮少不免會有兒童到場，有時要小朋友坐咁耐又真係會辛苦少少⋯大家可以考慮整個兒童專區，放定紙同顏色筆，等佢哋可以有個地方玩～

3. 飲料擺設

冇錯啊，連飲品都可以成為婚禮中一大佈置！例如走小清新風婚禮的話，就可以購入透明或木質用具，放入外貌超適合打卡嘅 mocktail 或者 cocktail，整個感覺真係靚到爆！

如果你有好多酒鬼朋友，仲可以考慮整個啤酒放題添！不過溫馨提示一下，過量飲酒對身體唔好的喔～

4. 甜品擺設

飲品 corner 都做到婚禮佈置，咁當然唔少得甜品啦～建議整啲輕食，同埋有得打下卡嘅零食，例如爆谷或者 donut 都係唔錯嘅選擇！

仲想睇多啲婚禮籌備懶人包嘅文章？快啲Click入嚟睇啦！

✨籌備婚禮由此囍✨全港最大的婚禮評語網站 Bespoke Wedding 婚享會，集齊最新結婚資訊?即睇每月精選結婚優惠及獨家非凡禮遇?兼賺里數換蜜月機票攻略： www.bespoke-wedding.com/