婚禮除咗衣飾打扮好重要之外，其實場地佈置都佔咗好重要嘅一席，無論係會場舞台、門口收禮部分或者戶外拱門等區域，一個吸睛嘅佈置都可以令整場婚禮生色不少，而且仲表現到每對新人獨一無二嘅愛情故事及個人品味。
今日 Bespoke Wedding 邀請咗香港人氣婚禮佈置品牌 Deco House，同大家分享一下目前流行嘅婚禮佈置風格，比各位準新人少少 ideas。（以下使用照片均出自 Deco House 團隊）
流行婚禮佈置風格 #1
高雅唯美風
想要營造浪漫氛圍嘅新人，Deco House 建議你可以走高雅唯美嘅夢幻風格。以純潔白色花朵作為主要花材，再搭配不可缺少嘅綠色植物，立即可以獲得一種典雅又簡約嘅視覺效果。咁可以應用喺咩地方呢？最經典嘅一定要數到花藝拱門！除咗可以做一個巨大裝飾之外，仲可以作為場地中其中一個打卡位，簡直就係一石二鳥～
流行婚禮佈置風格 #2
活潑熱帶風
如果想整個婚禮場地搶眼又吸睛，咁一定要打造充滿活力同活潑感嘅熱帶風！Deco House 自家經常會使用色彩鮮豔嘅花材，例如好 match 嘅橙色同紅色，再加入一點點白色花朵做點綴，整體睇落會更加 balance。除咗花藝拱門可以應用到之外，桌上花都可以統一使用色彩鮮豔嘅花材，相信賓客見到都會忍唔住攞出相機留影！
流行婚禮佈置風格 #3
粉調輕奢風
女孩子、新娘大多都喜歡粉色調～喺結婚大日子，如果要用到粉色佈置，當然要加入少少奢華元素。除咗必備粉調花材同白色花朵，Deco House 都會加入金色元素，例如 backdrop 新人名字都係用金色，整個感覺會更加華麗喔！
如果有任何關於婚禮佈置嘅疑難或問題，大家都可以隨便搵 Deco House 查詢！佢哋整個團隊擁有好多婚禮佈置經驗，相信可以比到唔少有用建議大家！
Deco House
WhatsApp: +852 92478030
Website: https://decohse.com.hk/en/home/
Facebook: https://www.facebook.com/decohouse.deco/
Instagram: https://www.instagram.com/decohse.decohse/
感謝 Deco House 提供文中內容及照片