如果問到化一個好嘅新娘妝，最重要係眼耳口鼻邊個部位，小編就覺得係我哋嘅「靈魂之窗」 - 眼睛！當你一眼望去新娘個樣，好多時都係直視對方雙眼，所以一個精緻又富美感嘅眼妝就顯得非常重要！
今日邀請到「Karac.makeup」嘅主理人Kara同大家分享，佢好擅長以bling bling眼妝化出精緻妝感。到底係點樣bling bling法，又唔會覺得太誇張，反而仲會覺得更加精緻？
新娘必看！Kara分享bling bling眼妝實用Tips！
如果化得唔好的話，bling bling眼妝會令整個妝感變得又濃又厚，好易少林足球阿梅上身！Kara偷偷話比小編聽，原來一個完美嘅bling bling眼妝，睫毛部分一定唔可以被忽略！首先Kara會為新娘刷上根根分明嘅上下睫毛排列，咁樣原來可以令眼睛變大，而且你唔會覺得太誇、仲會認得自己係邊個，只不過係一個更精緻嘅自己～
一本天書唔可以走天涯～Kara每次都要根據客人眼形去設計眼妝，單單係內雙、外雙定單眼皮，化嘅眼妝已經完全唔同！另外又要先研究新娘膚色再挑選適合色系嘅化妝品，真係少啲經驗都做唔到啊！
同場加映：Kara少女優雅感兼備自家手作頭飾！
好嘅妝容，當然要配上靚靚新娘髮型同頭飾～Kara除咗化bling bling眼妝好勁之外，原來手作都有料到！佢嘅品牌提供多款自家手作頭飾，由充滿少女感嘅繁星頭飾、仙氣滿溢嘅純白頭飾、到極搶眼宮廷風頭飾都有～咁新娘子就唔需要擔心飾品配襯依個問題啦！
#少女可愛感繁星頭飾
#仙氣滿滿精靈系頭飾
#極搶眼宮廷風頭飾
Karac.makeup除咗有以上推介嘅新娘化妝及自家手作頭飾，佢哋亦會提供宴會化妝、個人化妝班等服務，如果有需要記得立即聯絡Kara以取得更多資訊！
Karac.makeup
店舖地址：觀塘巧明街萬年工業大廈7樓7B 21室
聯絡電話：9504 5922
Instagram：https://www.instagram.com/karac.makeup/
感謝 Kara 提供文中圖片及資訊