講到港人熱門海外婚攝地點，一定唔可以數漏我哋第二個鄉下 - 日本！不過大部分人都只會去受歡迎嘅東京、北海道或者京都⋯今日 Bespoke 小編就邀請咗主打九州婚攝嘅本地婚攝品牌「Starry Bridal」，同大家分享下九州有邊啲景點適合拍攝婚紗照。
1. 福岡｜海之中道海濱公園、能古島海島公園
福岡係一個動靜皆宜嘅地方，有適合婚攝嘅大自然景，亦有可以拍攝和服照嘅神社。推薦大家去「海之中道海濱公園」，佢係福岡一個大型海濱公園，喺到可以欣賞到四季花卉，所以無論咩日子都可以拍到絕美婚照！
另外都建議大家考慮同樣位於福岡嘅「能古島海島公園」，佔地廣達15萬平方公尺，園內一片片花海靚到好似仙境咁～春季有油菜花、夏季有向日葵、去到秋季可以見到波斯菊、而冬季則可以欣賞到水仙花。
2. 福岡｜太宰府天滿宮
如果想拍神社景或者著住和服影相，當然要去擁有一千年以上歷史、日本神道最重要神社之一「太宰府天滿宮」！滿滿壯麗歷史感，加上周圍豐富自然風景，拍出嚟嘅婚紗照特別有味道！不過建議大家早少少去到現場，因為都係一個比較多遊客嘅景點，遲去影出嚟嘅相可能冇咁好睇～
3. 福岡｜糸島
想再特別少少？可以去遠啲嘅糸島～糸島位於福岡西部嘅糸島半島，由福岡市區搭車去大概一小時車程。島上擁有無敵夕陽、藍色海岸、龍貓森林步道等超靚自然景觀，難怪會有「福岡小夏威夷」之美稱～隨便一個景點已經可以拍出完美婚照！
4. 大分｜湯布院童話村
九州真係影自然景又得，突然轉畫風去到童話世界又得！位於大分縣嘅「湯布院童話村」係一條好可愛嘅小村，周圍都有童話感爆登嘅小屋同卡通人物包圍。喺到影婚紗照就好似走入童話世界，新人們都變咗做王子公主～
（photo credit: trip advisor）
5. 長崎｜豪斯登堡
咩話，九州連歐陸景色都可以搵到？係啊，大家可以去位於長崎縣佐世保市嘅「豪斯登堡」！豪斯登堡為日本最大樂園，入到去就好似身處荷蘭，各大大小小園區風景真心可以比你影足一日相！如果有時間，園區內仲有多達40種遊樂設施～
6. 櫻花季特別推介｜舞鶴公園、西公園
好多人都鍾意喺櫻花季前往日本拍攝婚照，因為現場美景實在太夢幻啦！例如以絕美季節花而聞名嘅「舞鶴公園」，由福岡市中心步行約15分鐘就到，位置十分方便。裡面嘅福岡城景觀亦非常壯麗，加上一片櫻花海做襯托，真係靚到不得了！連日本人自己都會著結婚式和服同婚紗去影婚照呢～
與舞鶴公園同為「日本100大櫻花之地」之一嘅「西公園」，都係一個可以賞櫻又拍到婚照嘅好地方。裡面有近1,300棵櫻花樹，會喺3月底開始盛開，成個畫面滿滿粉紅，真心超浪漫啊～
真係估唔到九州有咁多不為人知嘅婚攝景點，多得Starry Bridal佛心推介！如果你有任何關於九州婚攝嘅問題，歡迎隨時搵Starry Bridal詢問！最後感謝Starry Bridal提供文中圖片及資訊。
Starry Bridal
聯絡電話：2515 3310
官方網站：www.starrybridal.com.hk
Facebook：https://www.facebook.com/starrybridalservice/
Instagram：https://www.instagram.com/starrybridal/
