早前為大家介紹過號稱「婚禮細節之鬼」的MC Alan Li，除了主持技術了得之外，經驗仲多到可以開 talkshow 做分享。去年第一次舉辦全港首個以婚宴為主題嘅個人talkshow《係咁嫁》，反應熱烈。
2025載譽歸來🎉，將於11月1號及2號上演第二炮：《係咁嫁2025唔使急最緊要快》。
小編獨家採訪 Alan，為Bespoke Wedding 婚享會讀者劇透少少精彩內容🔥！
今年主題叫《唔使急最緊要快》，Alan 話係有感於好多新人籌備婚宴過程不但趕急，仲因為時間而鬧笑話（或鬧交😆），由搵兄弟姊妹、訂酒席、準備致辭，Alan 都有爆笑又 juicy 嘅故事可以分享。Alan指：「Talkshow 除咗講婚宴同籌備之外，我都會分享好多情侶相處間嘅大事小事。其實籌備 big day 只係一時、一次，點樣同另一半相處先係一生一世嘅學問。」
話說小編去年就於表演中，學識男士應該如何回應「老婆同媽媽一齊跌落海，你應該救邊個」的千古難題😂
（詳情可以睇睇呢度）
《係咁嫁》Talkshow 的另一特色，就係 Alan 會將好多耳熟能詳嘅歌曲，改編為「婚禮專屬」嘅內容。
例如成日聽到新郎喺婚宴唱周柏豪《我的宣言》，原本歌詞話「只知道是時候拿著鮮花，將心愛預留在盟誓之下」，聽落都好浪漫🧡；但去到 Alan 手上，就變成「新娘佢仍然是拿著鮮花，影相影一晚面容勁僵硬」不但到肉、仲有哂畫面，完全將新人喺婚禮當日矛盾嘅心聲表露無遺🤭。
而近年好多新人都會選擇將原本用來購置回禮小禮物的預算，化作愛心、作出捐贈；今年 Talkshow 亦加入慈善元素，會向「浪浪之家」作出捐款👏🏻，希望令觀眾們更加關注流浪動物議題。愛動物嘅大家來睇 show 亦可以為毛孩浪浪出一分力！
Alan 仲同小編講，當晚仲準備了好多禮物同大家玩遊戲、大抽獎，務求令大家睇 show 都滿載而歸👍🏻。
係咪已經心郁郁想買飛呢？機會嚟喇：《係咁嫁2025唔使急最緊要快》於11月1號及2號，喺香港兆基創意書院多媒體劇場、一連兩晚為大家引爆婚宴中的笑與淚。
有興趣就立即拉埋另一半去https://www.art-mate.net/tc/doc/86830 撲飛喇😊！
如果係準新人，仲可以憑票尾享 MC Alan Li 婚宴司儀服務八折優惠。
仲等？買飛喇喂！