我同老公係冇咩猶豫過就選擇咗Arlene Wedding。😆當時睇到佢哋嘅相簿，個風格就係exactly我同老公都好鍾意、好想要嘅嘢，可以話真係一擊即中。❤️不過其實佢哋嘅風格好包羅萬有，文青、唯美都有，所以唔同新人應該都可以搵到理想嘅style。另外佢哋嘅staff都唔會hard sell，而且會好細心講解服務同價錢，唔會馬虎。👍🏼職員全部都好有耐性，我試婚紗嘅時候想試到最好，前前後後都試咗好多，都有轉款，但佢哋一啲唔耐煩都冇。😉我影相嗰日咁啱落大雨，嗰下真係好徬徨，唯有改地方。🥲本來有個地方好想去，但係攝影師都有講可能會有好多保安，拍攝過程未必順利。攝影師另外推介咗個地方比我地，再調動埋啲時間，去到嗰個地方咁啱就好好天，冇雨落。☀️都係多得攝影師，先可以影到咋😎

我個人來講好注重攝影師有冇自己獨特嘅風格，唔希望係罐頭式嘅相。咁係我了解咗Arlene Wedding嘅package同睇咗佢哋嘅sample之後認為佢哋好符合到我心目中嘅要求。😬佢哋嘅sample雖然係有同一個地方嘅相，但係都可以睇得出係出自唔同攝影師嘅手筆，風格各異，好有特色。😉另外係佢哋會比客人好大嘅彈性，佢哋唔會要求我即刻full paid，而係可以試婚紗嘅時候先比尾數。😚我試婚紗當日有同事會同我商量pre wedding地點嘅事，然後話返比攝影師聽（因為攝影師碰巧出咗去第二度影相）佢哋都嘅咗個專屬我嘅whatsapp group，會提醒我揀衫、揀相，我通常就係有咩地方想去就會擺上group問下大家意見等。同事都有話過如果有咩要準備都可以幫手嘅，睇得出佢哋都好為客人著想。

去到pre wedding當日，成個過程都係輕鬆、開心嘅。我之前就已經明確話比佢哋知我想要咩style，佢哋都會做得到。😁而佢哋唔會比到一個好拘謹嘅感覺我，係好casual嘅。佢哋會指導我做動作，但唔會要我做啲好浮誇嘅動作。有次佢哋叫我休息，咁我就真係休息放鬆下，但原來佢哋係會繼續影。🤣係意料不到嘅，有時唔經意嘅moment都可以好靚好滿意。攝影師真係好落力去影，有次直情係碌地沙咁影。佢仲要係話依家要影靚相好難㗎，我哋都慣曬㗎啦。可以睇得出佢哋為咗客人輯相係好賣力，好希望客人滿意。另外, 化妝師都係隨時standby幫我哋印汗同補妝🙈 揀相嘅時候，佢哋嘅老闆娘好熱情會係咁攞野食比我哋食，又會不斷同我哋傾計。就算我揀咗2個幾鐘都唔會黑面，唔會趕我哋走。😌佢哋係唔會有隱藏收費，好多嘢一開始就已經講到明。一早知包咩唔包咩，加相要額外收錢都係好早就知道。我自己就覺得佢哋嘅服務、相嘅質素同佢哋嘅價錢係絕對成正比。😎