當時我哋睇過Arlene Wedding嘅相簿 Sample，覺得佢哋嘅風格都幾啱我嘅喜好🤩，另外package價錢亦都比較合理，性價比都高，當然package可以再優惠啲就更加好🤣。喺聯絡同溝通方面，每次有疑問，佢哋都解答得好清楚，而且當我有啲猶豫，做唔到決定嘅時候，同事都會俾啲建議我哋🥰。

我哋初時揀咗幾個拍攝嘅地方，但因為時間有啲趕，Arlene Wedding根據自己嘅經驗，俾咗啲建議我哋，過程都好順利。因為我同男朋友都係比較內向，影相時會有啲尷尬，但攝影師好風趣，成日講笑，令氣氛輕鬆咗好多，影出嚟嘅效果自然又靚❤️。當日天氣好凍，但團隊好細心，會幫我哋攞住外套，影完相即刻幫我哋披返，呢啲細微嘅地方做得好周到😋。

揀衫嘅時候，Arlene Wedding會俾iPad我哋睇下啲婚紗款式，之後再根據我哋嘅選擇推薦啲合適嘅婚紗試。啲款式真係好多，又靚又新淨。我本身有啲抗拒一啲冇帶嘅款式，但同事都會鼓勵我去試🥰，最終我揀咗兩件冇帶嘅婚紗，因為效果真係幾靚。化妝師化妝都好快手，佢仲幫我著婚紗，因為有啲婚紗真係自己著唔到🥹，佢又會好留心每個細節。如果有風吹亂咗頭髮或者需要補妝，化妝師都會即時幫手🤣！

一開始係朋友介紹Arlene Wedding俾我，喺揀佢哋之前，其實都有了解過其他公司，但最後同太太上去睇過佢哋嘅服務同產品，覺得都幾好，於是我哋就決定咗揀Arlene Wedding😆。同事俾我嘅感覺係好細心同helpful，會提醒我哋一啲新人要注意嘅細節，溝通嘅過程都幾舒服，又唔會hard sell🤩。

試衫嘅時候，同事唔單止會推薦啲合適嘅款式俾我哋，仲會確保每套禮服都係整齊，方便我哋影相記錄。 我太太當時主要係揀晚裝，最後租借咗三套。款式雖然唔算特別多，但選擇亦唔會話太少，基本上可以揀到啱心水嘅款。我哋拎衫嗰陣，Arlene Wedding仲準備咗大袋方便我哋妥善攞走禮服，呢啲安排都令我哋覺得貼心🌟。

試衫需要我哋book咗期再上去，呢點我覺得幾好。雖然場內都會有其他新人，但係試衫安排得好有秩序，基本上係前後腳進行。試衫嘅空間亦都充足，唔會有擠迫或者唔舒服嘅感覺👍。太太試婚紗時有足夠嘅時間同空間慢慢揀，完全唔需要擔心同其他人爭，揀衫嘅過程都好順利💯。