我最初去搵pre wedding公司嘅時候都有少少驚，因為都知道多數公司會chur你。但係Arlene Wedding就完全冇咁嘅情況，佢哋嘅職員都係好nice，但唔會chur你，會比本相簿你睇，你認為適合先再坐低慢慢傾。咁一來佢哋相簿嘅style都係我鍾意嘅，係生活化少少、冇咁重wedding感覺嘅便服相；二來就係覺得佢哋嘅service令人好舒服所以就決定了解下。🤣我同老婆冇拍攝經驗，所以都唔係好清楚有咩算係基本service，但係總之Arlene Wedding嘅人都好盡責。佢哋會係group提我哋影相當日有咩要帶同注意。佢哋亦都會比一啲實用嘅idea，然後交比我哋決定。🤔例如就係我影相嘅其中一個地方，佢哋好坦白講嗰個位嘅砲台影出來效果會好驚艷，係少人去、好特別嘅位，但就真係得個砲台位影得靚，叫我地三思、考慮清楚係咪真係要花時間去影。😊另外一樣好嘅位就係佢哋唔會硬性規定新人所有嘢都要用佢哋嘅service，佢哋會講如果我哋本身有屬意嘅化妝師可以用本身嘅人選，但如果冇就會係佢哋公司旗下嘅化妝師度挑選。你會見到好多嘢佢哋都好樂意同新人解釋、溝通，比個建議你，但最終決定權都係新人度嘅。😌咁去到影相當日，我哋其中一個地方係去城門水塘，周圍好多牛。攝影師話熱下身先影幾張先，其中就有一張係我同老婆係中間，然後一堆牛係旁邊，感覺上就係佢哋來參加我嘅婚禮咁。😆我一開始都有擔心會唔會係好罐頭式、公式化嘅相，但完全冇依種感覺，佢哋影到好唔香港嘅feel，好似去咗希臘咁。攝影師仲好識帶動氣氛，令本身唔太影相嘅我同老婆都好enjoy、覺得自然同舒服。😬

我哋最初了解Arlene Wedding嘅時候，聽佢哋職員講服務嘅細節同埋睇sample，覺得好符合要求，相嘅感覺好溫馨同柔和。😌而service方面會包車同禮服，都唔洗額外收費嘅，咁當然到最後都真係冇陷阱同無隱藏收費😎決定join之後佢哋會開嘅whatsapp group confirm訂單同拍攝日期，而且會keep住更新，提醒我哋。例如係早一個月提我哋揀衫、早一個星期加埋化妝師、攝影師入group，等大家可以交流下、夾下想點影。🧐去到拍攝當日，當我同先生準備緊道具嘅時候，佢哋都會幫手。見到我哋準備氫氣球，會建議我哋唔好咁早汞，如果唔係好容易漏氣。攝影師會好留意角度同我哋嘅企位各樣，係把握每分每秒咁影，絕對唔會拖延時間，而且都好隨和😁至於化妝師係事前就提我要敷mask，當日跟得好貼，啲裙走位就會出聲提我。多得攝影師同化妝師，先令到我地嘅相有最好嘅效果😍當時我哋見到有彩虹，但係冇預過會影到，收到相之後發現攝影師捕捉角度捕捉得好好，彩虹都入到鏡，感覺好夢幻！😳